నాన్నకు ప్రేమతో కాస్త అభిరామ్ కానుందా?

Posted: 09/09/2015 11:17 AM IST

యంగ్ టైగర్ ఎన్టీఆర్, రకూల్ ప్రీత్ సింగ్ హీరోహీరోయిన్లుగా సుకుమార్ దర్శకత్వంలో ఓ చిత్రం తెరకెక్కుతున్న విషయం తెలిసిందే. ఈ సినిమాకు వర్కింగ్ టైటిల్ గా ‘నాన్నకు ప్రేమతో’ అని వాడుతున్నారు. అయితే ఇదే టైటిల్ ను ఖరారు చేస్తారని అందరూ భావిస్తున్నారు. అయితే తాజాగా మరో టైటిల్ ను చిత్ర యూనిట్ రిజిస్టర్ చేయించినట్లుగా తెలిసింది.

ఈ చిత్రంలో ఎన్టీఆర్ పాత్ర పేరు అభిరామ్. అందుకే ఈ చిత్రానికి కూడా టైటిల్ పరంగా ‘అభిరామ్’ అని పెడితే బాగుంటుందనే వుద్దేశ్యంతో ఫిల్మ్ ఛాంబర్ లో ఈ టైటిల్ ను రిజిస్టర్ చేయించినట్లుగా తెలిసింది. పైగా ‘నాన్నకు ప్రేమతో’ అనేది సాఫ్ట్ గా వుందని, అభిరామ్ అయితే కొంచెం మాస్ గా వినిపిస్తుందని చిత్ర యూనిట్ భావిస్తున్నారు. త్వరలోనే ఏదో ఒక టైటిల్ ను ఖరారు చేసి, ఫస్ట్ లుక్ విడుదల చేయనున్నారు.
 
ఎన్టీఆర్ ఈ సినిమాలో ఓ ఖరీదైన బైక్ ను వాడారు. ఇప్పటికే ఈ సినిమాకు సంబంధించిన కొన్ని యాక్షన్ సన్నివేశాలు, అలాగే కొన్ని కీలక సన్నివేశాలను లండన్ లో చిత్రీకరిస్తున్నారు. ఇప్పటికే విడుదలైన ఎన్టీఆర్ స్టైలిష్ లుక్ స్టిల్ కు మంచి రెస్పాన్స్ వస్తుంది. జగపతిబాబు, రాజేంద్రప్రసాద్ కీలక పాత్రలలో కనిపించనున్నారు.

బివిఎస్ఎన్ ప్రసాద్ నిర్మిస్తున్న ఈ చిత్రానికి దేవిశ్రీప్రసాద్ సంగీతం అందిస్తున్నాడు. పవర్ ఫుల్ యాక్షన్ ఎంటర్ టైనర్ గా రూపొందుతున్న ఈ చిత్రాన్ని సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.