2 నిమిషాలు ఘాటు లిప్ లాక్

Posted: 09/09/2015 01:21 PM IST

తెలుగు భామలకు మన తెలుగు ఇండస్ట్రీలో అంతగా సినిమా ఆఫర్లు రాకపోవడంతో ఇతర భాషలపై దృష్టి సారిస్తున్నారు. ఇప్పటికే శ్రీదివ్య తమిళంలో వరుస చిత్రాలతో బిజీగా వుంది. అయితే తాజాగా అదే జాబితాలోకి ఆనంది కూడా చేరింది. అయితే శ్రీదివ్య గ్లామర్ కు దూరంగా వుంటూ వరుస సినిమాలతో దూసుకుపోతుంది.

కానీ ఆనంది మాత్రం గ్లామర్ పాత్రలలో కూడా అలరించడానికి సిద్ధమయ్యింది. తెలుగులో ‘బస్ స్టాప్’ సినిమాతో హీరోయిన్ గా ఎంట్రీ ఇచ్చిన రక్షిత... తమిళంలో ఆనంది పేరుతో కొనసాగుతుంది. ‘బస్ స్టాప్’ తర్వాత తెలుగులో ఈ అమ్మడికి అంతగా అవకాశాలు రాకపోవడంతో తమిళ ఇండస్ట్రీపై కన్నేసింది.

అక్కడ వచ్చిన అవకాశాలను వరుసగా అందిపుచ్చుకుంటుంది. అయితే ఈ అమ్మడు తాజాగా నటించిన సినిమా హాట్ టాపిక్ గా మారింది. తమిళ సంగీత దర్శకుడు జివి ప్రకాష్ కుమార్ హీరోగా నటిస్తున్న ‘త్రిష లేదా నయనతార’ చిత్రంలో ఆనంది, మనీషా యాదవ్ లు హీరోయిన్లుగా నటిస్తున్నారు.

ఈ ఇద్దరు భామలతో కూడా జివితో లిప్ లాక్ సన్నివేశాలున్నాయట. కానీ ఆనందితో తీసిన లిప్ లాక్ సీన్ మాత్రం చాలా ప్రత్యేకమని చెబుతున్నారు చిత్ర యూనిట్. ఎందుకంటే జీవితో ఈ అమ్మడు ఏకంగా రెండు నిమిషాలకు పైగా లిప్ లాక్ చేసారట. ఈ సినిమాకు ఈ సీన్ హైలెట్ కానుందని చిత్ర యూనిట్ భావిస్తున్నారు.

కానీ సెన్సార్ వారు ఈ సీన్ తొలగించే అవకాశాలు కూడా లేకపోలేదు. మరి ఈ సెన్సార్ ఎలాంటి నిర్ణయం తీసుకోనుందో చూడాలి. ఏదేమైనా ఆనంది కూడా గ్లామర్ బాట పట్టి... ఇంకెన్ని సినీ ఛాన్సులు కొట్టేయనుందో త్వరలోనే తెలియనుంది. ఈ సినిమా త్వరలోనే తెలుగు, తమిళం భాషలలో ప్రేక్షకుల ముందుకు రానుంది.