శివకార్తికేయన్ తో ‘ఐ’ భామ రొమాన్స్?

Posted: 09/05/2015 10:38 AM IST

Amy jackson pair up with sivakarthikeyan

తెలుగు, తమిళంలో ఎన్ని సినిమాల్లో నటించినప్పటికీ, అందాల ఆరబోత ప్రదర్శించినప్పటికీ రాని గుర్తింపు ఒక్క ‘ఐ’ సినిమాతో దక్కించుకుంది హీరోయిన్ అమీ జాక్సన్. శంకర్ దర్శకత్వంలో తెరకెక్కిన ‘ఐ’ సినిమాలో అమీ జాక్సన్ హీరోయిన్ గా నటించి మంచి గుర్తింపు తెచ్చుకుంది.

ఈ సినిమా తర్వాత అమీ జాక్సన్ కు వరుస సినీ ఆఫర్లు వచ్చిపడుతున్నాయి. ప్రస్తుతం బాలీవుడ్ లో అక్షయ్ కుమార్ హీరోగా ప్రభుదేవా దర్శకత్వంలో తెరకెక్కుతున్న ‘సింగ్ ఈజ్ బ్లింగ్’ చిత్రంలో అమీ జాక్సన్ హీరోయిన్ గా నటిస్తుంది. ఈ సినిమా విడుదలకు సిద్ధమవుతుంది. అలాగే తమిళంలో ధనుష్ సరసన ‘VIP2’ చిత్రంలో, ఉదయనిధి స్టాలిన్ సరసన మరో సినిమాలో హీరోయిన్ గా నటిస్తుంది.

ఈ సినిమాల తర్వాత విజయ్ హీరోగా నటించబోయే 59వ చిత్రంలో హీరోయిన్ అమీ జాక్సన్ కు అవకాశం వచ్చింది. అయితే తాజాగా యువ స్టార్ హీరో శివకార్తికేయన్ తో రొమాన్స్ చేసే అవకాశం దక్కించుకున్నట్లుగా తెలిసింది. ప్రస్తుతం శివకార్తికేయన్ వరుస హిట్ చిత్రాలతో దూసుకుపోతున్నాడు.

శివకార్తికేయన్ హీరోగా భాగ్యరాజ్ కన్నన్ తో ఓ సినిమా చేయనున్నాడు. 24 AVM స్టూడియోస్ బ్యానర్లో రాజా నిర్మించనున్న ఈ చిత్రంలో హీరోయిన్ గా అమీ జాక్సన్ ను ఎంపిక చేసుకున్నారు. ఈ చిత్రానికి అనిరుధ్ సంగీతం, పిసి శ్రీరామ్ సినిమాటోగ్రఫిని అందించనున్నారు. త్వరలోనే అన్ని వివరాలను అధికారికంగా ప్రకటించనున్నారు.