అబ్బా.. బ్రహ్మోత్సవంలో సెక్సీ భామ.. ఇక గరంగరమే!

Posted: 06/10/2015 11:30 AM IST

‘బ్రహ్మోత్సవం’ పేరులో గరం మసాలా చేరనుందని తాజా సమాచారం. ‘ముకుంద’ వంటి అట్టర్ ఫ్లాప్ తర్వాత శ్రీకాంత్ అడ్డాల దర్శకత్వంలో తెరకెక్కనున్న చిత్రం ‘బ్రహ్మోత్సవం’. ‘సీతమ్మ వాకిట్లో సిరిమల్లె చెట్టు’ చిత్రం తర్వాత మళ్లీ మహేష్ తో కలిసి శ్రీకాంత్ అడ్డాల ఈ చిత్రాన్ని తెరకెక్కించబోతున్నారు. ఇందులో మహేష్ ముగ్గురు భామలతో రొమాన్స్ చేయనున్నాడని గతకొద్ది రోజులుగా వార్తలొస్తున్నాయి.

ఇందులో ఇప్పటికే మొదటి హీరోయిన్ రకూల్ ప్రీత్ సింగ్ ను, సెకండ్ హీరోయిన్ గా ప్రణీత ను ఎంపిక చేసారు. ఇక మూడవ హీరోయిన్ గా బబ్లీ గర్ల్ రాశిఖన్నాను ఎంపిక చేసినట్లుగా వార్తలొచ్చాయి. కానీ తాజా సమాచారం ప్రకారం బాలీవుడ్ బ్యూటీ మన్నారాను మూడవ హీరోయిన్ గా ఎంపిక చేసినట్లుగా తెలిసింది.

‘మన్నారా’ ఇటీవలే హిందీలో ‘జిద్’ అనే సినిమాతో హీరోయిన్ గా ఎంట్రీ ఇచ్చింది. ఇందులో పిచ్చెక్కించే అందాల ప్రదర్శన చేసింది. ఈ సినిమా కమర్షియల్ గా విజయం సాధించకపోయినప్పటికీ, ఈ అమ్మడి అందాల ఆరబోత వలన భారీగానే కాసులు కురిపించాయి. దీంతో ఈ అమ్మడు హాట్ భామల జాబితాలో చేరిపోయింది.

అయితే తాజాగా ‘బ్రహ్మోత్సవం’లో ఈ అమ్మడికి మూడవ హీరోయిన్ గా ఛాన్స్ వచ్చినట్లుగా తెలిసింది. మరి త్వరలోనే ఈ చిత్రానికి సంబంధించిన అన్ని వివరాలు అధికారికంగా తెలియనున్నాయి. ఈ చిత్రాన్ని pvp సంస్థ భారీ బడ్జెట్ తో నిర్మించనుంది.