బీరువా భామతో శర్వానంద్ రొమాన్స్?

Posted: 06/10/2015 04:11 PM IST

మొదటి సినిమాతో దర్శకుడిగా మంచి మార్కులు కొట్టేసిన మేర్లపాక గాంధీ కొత్త సినిమా వివరాలు మాత్రం ఇంకా తెలియడం లేదు. ‘వెంకటాద్రి ఎక్స్ ప్రెస్’ సినిమా విడుదలై చాలా కాలం గడుస్తున్నప్పటికీ ఈ చిత్ర దర్శకుడు మేర్లపాక గాంధీ మాత్రం తన రెండవ చిత్రం గురించి పూర్తిగా మర్చిపోయినట్లుగా కనిపిస్తుంది. మేర్లపాక గాంధీ దర్శకత్వంలో శర్వానంద్ హీరోగా ఓ చిత్రం తెరకెక్కబోతుందని గతకొద్ది రోజులుగా వార్తలొస్తున్న విషయం తెలిసిందే.

ఈ సినిమాకు సంబంధించిన ప్రీ ప్రొడక్షన్ పనులు ఇంకా జరుగుతూనే వున్నాయి. అయితే ఈ విషయం కాసేపు పక్కన పెడితే... ఇందులో శర్వానంద్ సరసన హీరోయిన్ గా ‘బీరువా’ భామ సురభిని ఎంపిక చేసుకున్నట్లుగా తెలిసింది. సందీప్ కిషన్ హీరోగా నటించిన ‘బీరువా’ సినిమాలో సురభి హీరోయిన్ గా నటించింది.

Video Courtesy: Aditya Music

ఈ సినిమాలో సురభి క్యూట్ క్యూట్ గా నటించింది. ప్రస్తుతం ఈ అమ్మడికి తెలుగులోనే కాకుండా తమిళంలో కూడా వరుస అవకాశాలు వచ్చిపడుతున్నాయి.ఇపుడు శర్వాతో నటించే అవకాశం దక్కినట్లుగా తెలిసింది. ఈ చిత్రానికి సంబంధించిన వివరాలను త్వరలోనే అధికారికంగా ప్రకటించనున్నారు.

Sandy