వీళ్ల కథ మళ్లీ మొదటికొచ్చినట్లుంది కదా!

Posted: 05/13/2015 10:50 AM IST

బాలీవుడ్ లోని ప్రేమపక్షులు డేటింగ్ పక్కనపెట్టి, త్వరలోనే పెళ్లి చేసుకోబోతున్నారంటూ గత ఏడాది నుంచి వార్తలొస్తూనే వున్నాయి. వార్తలైతే వస్తున్నాయి కానీ.. వాళ్లు మాత్రం పెళ్లి చేసుకోవటం లేదు. పెళ్లంటే పెద్ద కథ కాబట్టి.. కనీసం ఉంగారాలైన మార్చుకోవచ్చు కదా! అదే నిశ్చితార్థం. నిశ్చితార్థం కూడా చేసుకోకుండా ఓ.... డేటింగ్ పేరుతో తెగ ఎంజాయ్ చేస్తున్నారు.

ఏమైనా అంటే మేము లవర్స్ అని అంటారు. కానీ పెళ్లంటేనే కెవ్ అని అంటారు. అరే పెళ్లి చేసుకోరు కానీ.. ఇలా పబ్లిక్ గా రొమాన్స్ లు చేస్తారు! ఏందో ఈ లొల్లి. ఇంతకీ ఎవరి గురించో అర్థం కాలేదా మీకు? పైన ఫోటో చూసారు కదా! వాళ్లదే. బాలీవుడ్ హీరోహీరోయిన్లు రణబీర్ కపూర్, కత్రినా కైఫ్.

వీరిద్దరూ బాలీవుడ్ లో వాళ్ల సినిమాలతో మంచిగానే పేరు తెచ్చుకున్నారు. అలాగే వీరిద్దరూ ప్రేమ పేరుతో తెగ ఎంజాయ్ చేస్తున్నట్లుగా గతంలో కొన్ని ఫోటోలు కూడా బయటకొచ్చాయి. కానీ వీళ్లు మాత్రం మమ్మల్ని ఒంటరిగా వదిలేయండి అంటూ... తెగ తిరిగేస్తున్నారు. ఇలా అయితే లాభం లేదనుకున్నారో ఏమో.. కత్రినా పెళ్లి గురించి ఆమె ప్రతినిధి ఓ విషయాన్ని స్పష్టం చేసింది.

కత్రినా త్వరలోనే రణబీర్ ను పెళ్లి చేసుకోబోతున్నట్లుగా వస్తున్న వార్తల్లో నిజం లేదు. కత్రినా ఇప్పట్లో పెళ్లి చేసుకోదని ఆమె స్పష్టం చేసింది. మరి ఈ విషయంపై రణబీర్ కపూర్, కత్రినా కైఫ్ లు స్వయంగా ఎలా స్పందిస్తారో చూడాలి. పెళ్లికి సిద్ధమవుతారో లేక ఇలాగే కొంతకాలం ఎంజాయ్ చేస్తారో చూడాలి.