అమ్ముడుపోయిన్ రవితేజ కిక్2 శాటిలైట్ రైట్స్

Posted: 05/14/2015 01:41 PM IST

మాస్ మహారాజ రవితేజ హీరోగా, ప్రముఖ దర్శకుడు సురేంధర్ రెడ్డి దర్శకత్వంలో తెరకెక్కుతున్న తాజా చిత్రం ‘కిక్2’. గతంలో వీరిద్దరి కలయికలో వచ్చిన ‘కిక్’ చిత్రానికి సీక్వెల్ ఇది. నందమూరితారకరామారావు ఆర్ట్స్ బ్యానర్లో హీరో నందమూరి కళ్యాణ్ రామ్ భారీ బడ్జెట్ తో నిర్మిస్తున్నాడు. రకూల్ ప్రీత్ సింగ్ హీరోయిన్. థమన్ సంగీతం అందిస్తున్నాడు.

ఇటీవలే విడుదలైన పాటలు, ట్రైలర్లకు మంచి స్పందన వస్తోంది. అయితే తాజా సమాచారం ప్రకారం ఈ చిత్ర శాటిలైట్ హక్కులు భారీ రేటుకు అమ్ముడుపోయినట్లుగా తెలిసింది. ప్రముఖ జెమినీ టివీ ఛానెల్ ‘కిక్2’ చిత్ర శాటిలైట్ హక్కులను దాదాపు 7.5 కోట్ల రూపాయలు చెల్లించి, దక్కించుకున్నట్లుగా తెలిసింది.

కమర్షియల్ యాక్షన్ ఎంటర్ టైనర్ గా రూపొందుతున్న ఈ చిత్రంపై భారీ అంచనాలే నెలకొన్నాయి. కిక్కు కాదు కంఫర్ట్ అంటూ రవితేజ తనదైన శైలిలో చాలా కొత్తగా ఎంటర్ టైన్ చేయడానికి వస్తున్నాడు. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.