ఓలమ్మో.. శృతి ముందుకంటే బాగానే పెంచేసిందే!

Posted: 02/24/2015 11:38 AM IST

Shruti hassan remuneration guest role anushka shetty size zero movie

ఇండస్ట్రీలో ఎంట్రీ ఇచ్చిన తొలినాళ్లలో వరుస ఫ్లాపులు ఎదుర్కొని ఐరెన్ లెగ్ గా పేరుగాంచిన శృతిహాసన్... ఆ తర్వాత పవన్ సినిమాతో హిట్ కొట్టి గోల్డెన్ లెగ్ గా మారిపోయింది. పవన్ సరసన ఈమె నటించిన ‘గబ్బర్ సింగ్’ చిత్రం భారీ విజయాన్ని అందుకోవడంతో అప్పటినుంచి ఈమె దశ పూర్తిగా మారిపోయింది. వరుసగా ఈమె నటించిన చిత్రాలన్నీ మంచి విజయాలు సాధించాయి.

దీంతో ఇండస్ట్రీలో ఈమె డిమాండ్ రోజురోజుకు పెరుగుతూ వచ్చింది. ఈ విషయాన్నే గ్రహించిన శృతి.. ఇదే అదునుగా భావించి తన రెమ్యునరేషన్ ను పెంచుకుంటూ వస్తోంది. హీరోయిన్ పాత్రలో నటించేందుకు రెమ్యునరేషన్ ఎక్కువగా డిమాండ్ చేయొచ్చుగానీ.. గెస్ట్ రోల్ కే భారీ మొత్తంలో డిమాండ్ చేయడం చూసి సదరు మూవీ యూనిట్ తోపాటు టాలీవుడ్ మొత్తం ఆశ్చర్యం వ్యక్తం చేస్తోంది.

వివరాల్లోకి వెళ్తే.. అనుష్క ప్రధాన పాత్రలో ‘సైజ్ జీరో’ అనే చిత్రంలో నటిస్తున్న విషయం తెలిసిందే! ఈ సోమవారం (23-02-2015) ఈ మూవీ షూటింగ్ పూజాకార్యక్రమాలతో లాంఛనంగా ప్రారంభమైంది. దర్శకేంద్రుడు రాఘవేంద్రరావు తనయుడు ప్రకాష్ కోవెలమూడి ఈ చిత్రాన్ని తెరకెక్కిస్తుండగా.. పీవీపీ సినిమాస్ పతాకంపై పొట్లూరి వి.ప్రసాద్ భారీ బడ్జెట్ వెచ్చించిమరీ నిర్మిస్తున్నారు.

ఈ చిత్రంలోనే శృతి హాసన్ గెస్ట్ రోల్ పోషిస్తున్న విషయం తెలిసిందే! అయితే.. ఇందుకుగాను ఈమె భారీ మొత్తం తీసుకుంటోందట! ఆ గెస్ట్ రోల్ పాత్ర ఎంతో కీలకమైంది కాబట్టి.. అందుకు శృతియే సూటవుతుందన్న ఉద్దేశంతో మూవీ యూనిట్ ఆమెని తీసుకోవడం జరిగింది. అందుకు గ్రీన్ సిగ్నల్ ఇచ్చిన అమ్మడు.. భారీ మొత్తం ఇస్తేగానీ నటించనంటూ మొండికేస్తోందట! దీంతో చేసేదిలేక ఆమె అడిగిన మొత్తాన్ని చెల్లించేందుకు నిర్మాత అంగీకరించినట్లు వార్తలొస్తున్నాయి.

నిజానికి శృతిహాసన్ ఓ సినిమాకు 80 లక్షల నుంచి ఒక కోటిరూపాయల వరకు రెమ్యునరేషన్ తీసుకునేది. కానీ.. ఈమె డిమాండ్ పెరిగిపోవడంతో కేవలం ఐటమ్ సాంగులకే ఆమధ్య 80 లక్షలు తీసుకుంది. ఇప్పుడు ఈమెకు బాగా క్రేజ్ వుండటంతో.. మరింతగా రెమ్యునరేషన్ స్థాయిని పెంచేసింది. ఇప్పుడు ఈమె నటిస్తున్న ఆ గెస్ట్ రోల్ కోసం దాదాపు 90 లక్షలమేర డిమాండ్ చేసినట్లు ఇండస్ట్రీ వర్గాలు చెప్పుకుంటున్నాయి.