దేవదాసు భామకు ఐటెం సాంగ్ ఆఫర్

Posted: 02/20/2015 01:09 PM IST

‘దేవదాసు’ చిత్రంతో తెలుగులోకి ఎంట్రీ ఇచ్చిన గోవా భామ ఇలియానా... బాలీవుడ్ లో బిజీ హీరోయిన్ అవ్వడానికి తెలుగు సినిమా ఇండస్ట్రీయే కారణం. తెలుగులో ఇలియానా నటించకపోయి వుంటే... ఇపుడు బాలీవుడ్ లో అవకాశాలు వచ్చేవి కాదు.. అసలు ఇలియానా అంటే ఎవరికి తెలిసేదే కాదు. ఇలియానా తెలుగులో దాదాపు 15 చిత్రాలలో నటించింది. ఇందులో నాలుగైదు చిత్రాలు తప్ప అన్ని మంచి విజయం సాధించాయి. గ్లామర్ హీరోయిన్ గా ఇలియానాకు స్టార్ స్టేటస్ ను కట్టబెట్టాయి.

ఈ అమ్మడికి ప్రస్తుతం సౌత్ హీరోయిన్ గా ఆఫర్ ఇచ్చే దర్శకనిర్మాతలు ఎవరూ లేకపోయినప్పటికీ.. ఇంకా సౌత్ ఇండస్ట్రీపై కామెంట్లు చేస్తూనే వుంది. ప్రస్తుతం బాలీవుడ్ లో ఈ అమ్మడికి అవకాశాలు కరువయ్యాయి. దీంతో మళ్లీ సౌత్ ఇండస్ట్రీలోకి రీఎంట్రీ ఇవ్వడానికి ప్రయత్నిస్తుంది. ఇటీవలే ఇలియానాకు సౌత్ ఇండస్ట్రీ నుంచి ఓ సినిమాలో ఆఫర్ వచ్చిందట. అయితే ఆ ఆఫర్ కూడా హీరోయిన్ గా కాకుండా ఐటెం సాంగ్ ఆఫర్ అని తెలిసింది. మొదట్లో ఐటెం సాంగ్ కోసం భారీ మొత్తంలో డిమాండ్ చేసిందట. దీంతో ఈ అమ్మడికి అంత సీన్ లేదని సదరు చిత్ర దర్శకనిర్మాతలు అక్కడినుంచి వెళ్లిపోయారని తెలిసింది.

కానీ ఆ తర్వాత రెమ్యునరేషన్ ను బాగా తగ్గించుకొని మరీ... ఈ సినిమాలో తాను చేస్తానని తిరిగి ఆ దర్శకనిర్మాతలకు ఇలియానా ఫోన్ చేసి గ్రీన్ సిగ్నల్ ఇచ్చిందని కోలీవుడ్ లో వార్తలు వినిపిస్తున్నాయి. కానీ ఈ అమ్మడు ఐటెం సాంగ్ లో నటిస్తే ఎవరు చూస్తారంటూ కోలీవుడ్ జనాలు ఇలియానాపై కామెంట్లు చేస్తున్నారు. మరి ఇలియానా రీఎంట్రీ సినిమా, సాంగ్ ఎలా వుండనుందో చూడాలి.