అన్ని భాషల్లో దయాగాడి దండయాత్రకు ప్లాన్స్

Posted: 02/16/2015 03:23 PM IST

100% కన్నింగ్, కరెప్టెడ్ పోలీస్ ఆఫీసర్ గా యంగ్ టైగర్ ఎన్టీఆర్ ఎంట్రీ ఇచ్చిన ‘టెంపర్’ సినిమా రికార్డులు తిరగరాయడానికి ప్రయత్నిస్తోంది. పూరీ జగన్నాథ్ దర్శకత్వంలో రూపొందిన ఈ సినిమా ప్రపంచ వ్యాప్తంగా విడుదలై భారీ కలెక్షన్లతో, హౌస్ ఫుల్ గా దూసుకుపోతుంది.

పరమేశ్వర ఆర్ట్ ప్రొడక్షన్స్ బ్యానర్లో నిర్మాత బండ్ల గణేష్ నిర్మించిన ‘టెంపర్’ సినిమా ఇటీవలే విడుదలై భారీ రెస్పాన్స్ ను సొంతం చేసుకుంటోంది. ఈ చిత్ర రీమేక్ హక్కుల కోసం ఇతర సినీ ఇండస్ట్రీల దర్శక,నిర్మాతలు తెగ ప్రయత్నిస్తున్నారు. అయితే ఈ చిత్రాన్ని పూరీ త్వరలోనే హిందీలోకి రీమేక్ చేయబోతున్నాడని తెలిసింది.

ఈ సినిమాను హిందీలో తానే రీమేక్ చేస్తానని, ఆ రీమేక్ కు కూడా పూరీ దర్శకత్వం వహిస్తారని బండ్ల గణేష్ ఇటీవలే తెలియజేసారు. హిందీతో పాటుగా తమిళ, కన్నడ, మలయాళ భాషల్లో కూడా ఈ సినిమాను తానే రీమేక్ చేస్తానని బండ్ల గణేష్ చెప్పుకొచ్చాడు.

మరి చాలా రోజుల తర్వాత భారీ హిట్టును సొంతం చేసుకున్న యంగ్ టైగర్ ఎన్టీఆర్, బండ్ల గణేష్ లు చాలా సంతోషంగా వున్నారు. మరి ఈ రీమేక్ విషయంపై పూరీ, ఎన్టీఆర్ లు ఎలా స్పందించనున్నారో చూడాలి.