కంగనా ఆలనాపాలనా చూసుకుంటున్న అమీర్..

Posted: 02/16/2015 12:46 PM IST

Kangana ranaut aamir khan daughter dangal movie mahavir singh geetha phogat history

బాలీవుడ్ మిస్టర్ పర్ ఫెక్షనిస్ట్ గా పేరొందిన అమీర్ ఖాన్.. సెక్సీ బ్యూటీ కంగనా రనౌత్ ఆలనాపాలనా చూసుకుంటున్నాడని బాలీవుడ్ లో ప్రచారాలు కొనసాగుతున్నాయి. వీరిద్దరి వ్యవహారం చూస్తుంటే.. తండ్రికూతుళ్ల బంధంలా వుందని హిందీ పరిశ్రమ కోడై కూస్తోంది. తన కూతురిలాగే కంగానాను అమీర్ పోషిస్తున్నాడని, వీరి బంధం చూస్తుంటే అందరికీ ఆదర్శంలా కనిపిస్తోందని అంతా చెప్పుకుంటున్నారు. అయితే ఇదంతా రియల్ లైఫ్ లో కాదులెండి.. రీల్ లేఫ్ లో!

వివరాల్లోకి వెళ్తే.. ప్రముఖ మల్లయోధుడు మహావీర్ సింగ్ ఫోగెట్ జీవితం ఆధారంగా హిందీలో ‘దంగల్’ అనే చిత్రాన్ని రూపొందించడానికి సన్నాహాలు చేస్తున్నారు. ఇందులో టైటిల్ రోల్ కోసం అమీర్ ఖాన్ ని ఆ మూవీ యూనిట్ బృందం సంప్రదించింది. ఆ పాత్రలో నటించడానికి ఆయన దాదాపుగా ఓకే అన్నట్లు వార్తలు వస్తున్నాయి. ఇక మహావీర్ సింగ్ కూతురైన గీతా ఫోగెట్ పాత్రలో నటించేందుకు కంగనా రనౌత్ ని అడిగారట! అందుకు ఆమె వెంటనే గ్రీన్ సిగ్నల్ ఇచ్చేసిందని సమాచారం!

మల్లయోధుడిగా గొప్పపేరు సాధించిన మహావీర్ పాత్రకు అమీర్ ఖాన్ సూటవుతాడనే ఉద్దేశంతో ఆయన్ను సంప్రదించినట్లు యూనిట్ వర్గాలు పేర్కొంటున్నాయి. ఇక మహావీర్ కూతురైన గీతా ఫోగెట్ కూడా తండ్రికి తగ్గ తనయగా రెజ్లింగ్ లో గొప్ప పేరు సాధించింది. పైగా.. మొదటి సారి రెజ్లింగ్ లో గోల్డ్ మెడల్ గెలిచిన మహిళ కూడా ఈమె! ఇటువంటి పాత్రలో నటించేందుకు కంగనా సరిపోతుందని ఉద్దేశంతో ఆమెను తీసుకున్నట్లు సమాచారం! ఇంతటి గొప్ప పాత్రలో నటించడంతోపాటు అమీర్ కూతురిగా నటించే ఆఫర్ రావడంతో కంగనా హ్యాపీగా పీలవుతోందట! త్వరలోనే ఈ మూవీకి సంబంధించి మరిన్ని వివరాలు వెలువడి కానున్నాయి.