నలుగురు భామలతో ముద్దుల మన్మధ

Posted: 02/10/2015 03:50 PM IST

శింబు, నయనతార, హన్సికల ప్రేమాయణం గురించి అందరికి తెలిసిందే. ఈ ప్రేమాయణం ముగిసిపోయినా కూడా ఇంకా హన్సిక, నయనతారల మధ్య కోల్డ్ వార్ నడుస్తోందని కోలీవుడ్ లో వార్తలు వినిపిస్తున్నాయి. అయితే నయనతార మాత్రం హన్సిక గురించి అస్సలు పట్టించుకోకుండా తన పని తాను చూసుకుంటుందని తెలిసింది. శింబు, హన్సికలు కలిసి నటిస్తున్న ‘వాలు’ సినిమాలో నయనతార ఓ స్పెషల్ సాంగ్ లో ఆడిపాడనుంది.

శింబు నటిస్తున్న ‘వాలు’ సినిమాలోని ‘డార్లింగ్...’ అనే సాంగ్ టీజర్ ను విడుదల చేసారు. ఈ పాట కోలీవుడ్ లో హాట్ టాపిక్ అయ్యింది. ఈ పాటలో ‘నయనతార వద్దు, ఆండ్రియా వద్దు, తమన్నా వద్దు... ’ అనే పదాలు హాట్ టాపిక్ గా మారాయి. వీరందరిని వద్దని హన్సికనే కావాలనే శింబు పాడుతుండటంతో.... శింబు, హన్సిక, నయనతారలు మళ్లీ వార్తల్లొకెక్కారు.

నయనతారతో పాటుగా అలనాటి నటి బి.సరోజ దేవి, అలాగే సిమ్రాన్, ఖుష్బూలు కూడా ఈ స్పెషల్ సాంగ్ లో కనిపించనున్నారు. ఈ సాంగ్ త్వరలోనే చిత్రీకరించనున్నారు. ఈ నలుగురు ముద్దుగుమ్మలతో శింబు ఆడిపాడనున్నాడు. ‘వాలు’ సినిమా త్వరలోనే ప్రేక్షకుల ముందుకు రానుంది. అలాగే శింబు, నయనతార జంటగా నటిస్తున్న ‘ఇదు నమ్మ ఆలు’ సినిమా కూడా విడుదలకు సిద్ధమవుతోంది.