సమంతా పాయే.. రకుల్ వచ్చే.. ఏం జరిగింది?

Posted: 02/09/2015 11:26 AM IST

Rakul preet singh samantha ruth prabhu ram charan srinivaitla my name is raju movie updates

వరుసగా సినిమాలు చేసుకుంటూ సక్సెస్’ఫుల్ హీరోయిన్ దూసుకెళ్తున్న రకుల్ ప్రీత్ సింగ్.. ప్రస్తుతం స్టార్ హీరోయిన్లకు గండంగా మారినట్లు తెలుస్తోంది. ఈ అమ్మడి పెర్ ఫార్మెన్స్, ఛాలెంజింగ్ ముందు సీనియర్ తారలు పక్కకు తప్పుకోవాల్సిన పరిస్థితి ఏర్పడినట్లు కనిపిస్తోంది. అందుకు ఉదాహరణగా సమంతనే తీసుకోవచ్చు. నిన్నటిమొన్నటివరకు తన గ్లామర్ టాలెంట్’తో ఓ ఊపు ఊపేసిన ఈ చెన్నై సుందరి.. రకుల్ దెబ్బకు ఓ భారీ మూవీ నుంచి తప్పుకోవాల్సి వచ్చిందని టాలీవుడ్’లో టాక్ వినిపిస్తోంది. అసలు ఈ తతంగం మొత్తం తెలియాలంటే.. మేటర్’లోకి వెళ్లాల్సిందే!

మెగాపవర్ స్టార్ రామ్ చరణ్ హీరోగా శ్రీనువైట్ల దర్శకత్వంలో ఓ మూవీ రూపొందుతున్న విషయం తెలిసిందే! మొదట ఇందులో హీరోయిన్’గా శృతిహాసన్’ను తీసుకోవాలని అనుకున్నారు. కానీ.. ఆమె డేట్స్ కుదరకపోవడంతో సమంతా బెటర్ అనుకుని ఆమెను తీసుకున్నారు. నిన్నమొన్నటివరకు ఆమె ఖరారయినట్లుగా వార్తలు కూడా వచ్చాయి. అయితే.. సమంతకు కూడా డేట్స్ కుదరకపోవచ్చునంటూ ముందుగానే దీర్ఘాలు పలికిందట! దీంతో షూటింగ్ నేపథ్యంలో ఆమె డేట్స్ కుదరలేదంటూ తప్పుకుంటే అప్పుడు చాలా సమస్యలు ఎదుర్కోవాల్సి వస్తుందని యూనిట్ బృందం భావించారట! అందుకే.. సమంతాను తొలగించి, రకుల్ ప్రీత్ సింగ్’ని తీసుకున్నారని సమాచారం!

అయితే.. ఈ మూవీలో సమంతా డేట్స్ కుదరకపోవడం వల్ల తప్పుకుందా..? లేక ఆమెను కావాలనే తప్పుకున్నారా..? అనే అంశాలపై చర్చలు జరుగుతున్నాయి. నిన్నటివరకు అన్నీ ఓకే అనుకున్న తరుణంలో ఇప్పుడు సడెన్’గా సమంతాను ఎందుకు తీసేయాల్సి వచ్చిందని అనుమానాలు వ్యక్తమవుతున్నాయి. బహుశా సమంతా ఎక్కువ రెమ్యూనరేషన్ డిమాండ్ చేయడంతో ఆమె ప్లేస్’లో రకుల్’ని తీసుకుని వుండవచ్చునని అంటున్నారు. ఏదైతేనేం.. ఇంకా ఈ వార్తల్లో సస్పెన్స్ కొనసాగుతూనే వుంది.