‘పీకే’ రీమేక్’లో లోకనాయకుడు..?

Posted: 02/09/2015 10:53 AM IST

Kamal hassan pk remake movie gemini association aamir khan bollywood

ఇటీవల అమీర్ ఖాన్ నటించిన ‘పీకే’ చిత్రం సంచలన విజయం సాధించడంతోబాటు బాలీవుడ్ బాక్సాఫీస్ రికార్డులను తిరగరాసిన విషయం తెలిసిందే! దొంగబాబాలను, మూఢనమ్మకాలు నమ్మకూడదనే అంశంపై ఆ చిత్రం తెరకెక్కింది. ఇప్పుడు ఇదే మెసేజ్’ని తెలుగు ప్రేక్షకులకు చేరవేయాలనే ఉద్దేశంతో ఆ మూవీని రీమేక్ చేసేందుకు సన్నాహాలు చేస్తున్నారు. ఇప్పుడే ఈ మూవీ రీమేక్ హక్కులను జెమిని ప్రొడక్షన్స్ సంస్థ భారీ రేటుకి కొనుగోలు చేసిందని ఇండస్ట్రీ వర్గాలు చెబుతున్నాయి. ఇక చిత్రనిర్మాణ పనులు కూడా త్వరలోగా ప్రారంభం కానున్నాయని అంటున్నారు.

ఇక ఈ మూవీలో హీరోగా నటించేందుకు కమల్ హాసన్ ముందుకు వచ్చినట్లు సమాచారం! ఎందుకంటే.. ‘పీకే’ మూవీలోని పాత్ర చాలా డిఫరెంట్’గా వుండటంతోపాటు మెసేజ్ ఓరియెంటెడ్ మూవీ కాబట్టి... ఈ మూవీలో నటించడానికి ఆయన గ్రీన్ సిగ్నల్ ఇచ్చినట్లు చెన్నై యూనిట్ వర్గాలు చెబుతున్నాయి. పైగా.. ఏలియన్ పాత్రను కమల్ హాసన్ మరింతగా ప్రెజెంట్ చేయగలడని, అందులో పూర్తిగా ఒదిగిపోయి మరింత అద్భుతంగా నటించగలడన్న నమ్మకాన్ని సినీజనాలు వ్యక్తం చేస్తున్నారు. దీంతో.. ఈ రీమేక్ మూవీలో కమల్ నటిస్తేనే బాగుంటుందని అభిప్రాయాన్ని అందరూ వ్యక్తం చేస్తున్నారు.

ప్రస్తుతం కమల్ హాసన్ మలయాళ చిత్రం ‘దృశ్యం’ రీమేక్’లో నటిస్తున్న విషయం తెలిసిందే! అలాగే ‘ఉత్తమ విలన్’, ‘విశ్వరూపం-2’ మూవీ షూటింగులలోనూ ఫుల్ బిజీగా వున్నాడు. ఇందులో ‘ఉత్తమ విలన్’ చిత్రం షూటింగ్ శరవేగంగా జరుపుకుంటోంది. త్వరలోనే ఆ మూవీని విడుదల చేసేందుకు దర్శకనిర్మాతలు సన్నాహాలు చేస్తున్నారు. ఇంకా షూటింగ్ దశలో వున్న మిగతా రెండు సినిమాలు పూర్తైన తర్వాత కమల్ ‘పీకే’ రీమేక్’లో నటించే అవకాశాలు వున్నాయి. అయితే.. ఇందుకు సంబంధించిన అధికారిక ప్రకటన ఇంకా వెలువడి కాలేదు.