ఆమెను ముట్టుకునే డేరింగ్ ఎవరికి ఉందో...?

Posted: 01/17/2015 04:20 PM IST

సినిమాలే వాస్తవాలు, వాస్తవాలే సినిమాలు అని చాలా సార్లు నిరూపితం అయింది. అంటే సినిమాలో చూపించేది నిజం అవుతుంది.., సమాజంలో జరిగే వాటినే సినిమాలో చూపిస్తారు అన్నమాట. బాలీవుడ్ లో అయితే ఈ తరహా మూవీలు ఎక్కువగా వస్తుంటాయి. ముంబై దాడులు, మిస్టరీ కేసులు, ఇన్ స్పైరింగ్ వ్యక్తుల జీవితాల గురించి ఎన్నో సినిమాలు వచ్చి సూపర్ హిట్ అయ్యాయి. అదే బాటలో ఇప్పుడు మరొక ప్రముఖ వ్యక్తి గురించి కూడా సినిమా తీస్తారని బాలీవుడ్ లో ప్రచారం జరుగుతోంది.

సునంద పుష్కర్ మృతి కేసు దేశంలో సంచలనం రేపుతున్న విషయం తెలిసిందే. ఏడాదిన్నర పాటు ఆత్మహత్యగా భావించిన మృతిని ఈ మద్యే హత్యగా నిర్ధారించి కేసు నమోదు చేశారు. రాజకీయ, క్రికెట్, వ్యాపార రంగాలకు చెందిన అంశాలు ఈ మృతితో సంబంధం కలిగి ఉన్నట్లు వస్తున్న అనుమానాలు కేసుపై అందరి దృష్టి పడేలా చేస్తున్నాయి. ప్రస్తుతం ఈ కేసుపై సిట్ విచారణ జరుపుతుంది. మరోవైపు బాలీవుడ్ లో సునంద జీవితం, మరణంపై సినిమా వస్తుందని బి.టౌన్ వర్గాలు చెప్తున్నాయి.

ఆమె మృతికి సంబంధించి ప్రాధమిక సమాచారం అందరికి తెలిసిందే కావటంతో కొత్తగా సేకరించాల్సిన, పరిశోధించాల్సిన అంశాలేవి లేవు. ఒకవేళ ఉన్నప్పటికీ.., తొలి పార్ట్ లో చనిపోయిన సంఘటన వరకు చూపించి కేసు పరిష్కారం అయ్యాక సీక్వెల్ తీయవచ్చు అని సలహా ఇస్తున్నారు. సినిమాకు స్క్రిప్టు రెడిగా ఉన్నా.., డైరెక్టర్ ఎవరు అని అంతా ప్రశ్నించుకుంటున్నారు. ఇలాంటి సినిమాలు తీసే రామ్ గోపాల్ వర్మ లేదా ఏక్తా కపూర్, లేదంటే మరెవరైనా ఈ మూవీ తీసే అవకాశం ఉందని చెప్తున్నారు. కేసుకు రాజకీయ వ్యక్తులు, అంశాలతో సంబంధం ఉండటంతో నేను ఈ సినిమా తీస్తాను అని ఎవరూ ముందుకు రాలేదు. మరి సునంద జీవితంపై సినిమాను తీసే డేర్ ఉన్న డైరెక్టర్ ఎవరో చూడాలి.