ఫ్యామిలీ ప్రాబ్లమ్స్.. తండ్రెవరో తెలియదట

Posted: 01/12/2015 01:02 PM IST

Father role competition for ntr sukumar movie

కుటుంబ కథా సినిమాలు తీసే సుకుమార్ కు ఫ్యామిలీ కష్టాలు వెంటాడుతున్నాయి. సెంటిమెంట్ బాగా దట్టించి ప్రేక్షకులను ఏడిపించేలా సినిమాలు తీసే ఈయనకు ఎన్టీఆర్ రూపంలో ఇప్పుడు పెద్ద కష్టమే వచ్చింది. సుకుమార్ త్వరలోనే ఎన్టీఆర్ తో సినిమా తీస్తాడన్న విషయం తెలిసిందే. ఫిబ్రవరి నుంచి ఈ మూవీ షూటింగ్ ప్రారంభం కూడా అవుతుంది. కథ ప్రకారం.., ఈ సినిమాలో తారక్, తండ్రి మద్య సీన్లే చాలా కీలకమట. దీంతో తండ్రి పాత్రలో పర్ ఫెక్ట్ గా సూట్ అయ్యే వ్యక్తి ఎవరా అని వెతుకుతున్నారట.

మరోవైపు ఈ సినిమాలో ఎన్టీఆర్ తండ్రిగా నటిస్తామంటూ పలువురు ప్రముఖ నటులు ముందుకు వచ్చినట్లు తెలుస్తోంది. అందులో ప్రధానంగా.., రాజేంద్ర ప్రసాద్, ప్రకాష్ రాజ్ పేర్లు విన్పిస్తున్నాయి. రాజేంద్రప్రసాద్ ప్రస్తుతం లీడింగ్ క్యారెక్టర్ ఆర్టిస్టు కాగా, ప్రకాష్ రాజ్ కు గతంలో తండ్రి పాత్రలు చేసిన అనుభవం ఉంది. ఎన్టీఆర్ కు కూడా తండ్రిగా నటించాడు. వీరితో పాటు తమిళ, కన్నడ ఇండస్ర్టీలకు చెందిన ప్రముఖుల పేర్లను కూడ పరిశీలిస్తున్నారు. కానీ ఇప్పటివరకు ఎవరినీ తండ్రి పాత్రకు ఖరారు చేయలేదట.

యాక్షన్, ఎంటర్ టైన్ మెంట్ సినిమాలు తీస్తున్న నందమూరి హీరో చాలాకాలం తర్వాత మళ్ళీ ఫ్యామిలీ కథల జోలికి వెళ్తున్నాడని చెప్పాలి. ఫుల్ లెంగ్త్ సెంటిమెంట్ తో సినిమా నిండిపోయి ఉంటుందనీ.., అందర్నీ అలరించే విధంగా కథను సిద్దం చేసినట్లు సుకుమార్ చెప్తున్నారు. ఇక ఎన్టీఆర్ విషయానికి వస్తే, ప్రస్తుతం ‘టెంపర్’ షూటింగ్ టాకీ పార్ట్ చివరి దశలో ఉంది. జనవరి 18న ఆడియో విడుదల చేసి, ఫిబ్రవరి 5న సినిమాను రిలీజ్ చేసేందుకు సిద్దమవుతున్నారు.