ఈ సారైనా నమ్మవచ్చంటారా...?

Posted: 12/29/2014 02:57 PM IST

పవన్ కళ్యాణ్ కు ఉన్న క్రేజును దృష్టిలో పెట్టుకుని ఆయనపై రోజుకో పుకార్లు పుట్టిస్తున్నారు. నోటికొచ్చింది.., ఊహకందే ఆలోచనను అందరికి చెప్పేసి గందరగోళం సృష్టిస్తున్నారు. తాజా మూవీ ‘గోపాల గోపాల’పై ఎన్నో పుకార్లు వస్తున్నాయి. ఈ మూవీ ఆడియో రిలీజ్ ఉండదని కొందరు అంటుంటే.., ఉండదు అని మరికొందరు అన్నారు. తాజా పరిణామాలను పరిశీలిస్తే.., రిలీజ్ ఉండదు అని ఎక్కువశాతం టాక్ వచ్చింది. పవర్ స్టార్ ను చూద్దామనుకున్న ఫ్యాన్స్ ఈ పుకార్లతో డీలా పడ్డారు. అయితే వీరిని ఖుషీ చేసేలా లేటెస్ట్ గుసగుసలు విన్పిస్తున్నాయి.

ఫిలింనగర్ లో ప్రచారంలో ఉన్న లేటెస్ట్ అప్ డేట్ ప్రకారం.., ‘గోపాల గోపాల’ ఆడియో జనవరి 3న విడుదల అవుతుందని చెప్తున్నారు. ఇంకొందరు అయితే జనవరి 2కు వస్తుందనీ.., కాదు న్యూ ఇయర్ కానుకగా వస్తుందని చెప్తున్నారు. వీటిలో ేది నిజమో మూవీ యూనిట్ ప్రకటన చేస్తేనే తెలుస్తుంది. ప్రస్తుతం చివరిదశ షూటింగ్ జరుపుకుంటున్న మూవీ, వీలైనంత త్వరగా షూటింగ్ పూర్తి చేసుకుని పోస్ట్ ప్రొడక్షన్ పనులకు వెళ్తుందట. ఇంతవరకు ప్రమోషన్ మొదలు పెట్టలేదు కాబట్టి.., ఆడియో రిలీజ్ వేడుకతోనే ప్రమోషన్ ప్రారంభించాలని భావిస్తున్నారు. ఆడియో రిలీజ్ తో పాటు, ట్రైలర్ లేదా టీజర్ విడుదల చేస్తారని కూడా టాక్ విన్పిస్తోంది. శంకర్ తెరకెక్కించిన భారీ బడ్జెట్ మూవీ ‘ఐ’ ప్రపంచవ్యాప్తంగా జనవరి 14న విడుదల అవుతోంది. దీంతో పండగకు వద్దామనుకున్న ఈ సినిమా ఐదు రోజులు ముందుగానే విడుదల అవుతోంది.

కార్తిక్