ఏదేమైనా అదిమాత్రం వదలట్లేదు

Posted: 12/30/2014 11:00 AM IST

నందమూరి ఫ్యాన్స్ ను కదిలించే పరిస్థితి లేదు. ఎవర్ని ముట్టుకున్నా బాలయ్య టీజర్ అంటూ ఫీవర్ తో వణుకుతున్నారు. ఫస్ట్ లుక్ మాస్ ఇమేజ్ సొంతం చేసుకోగా.., సెకండ్ లుక్ డైనమిక్ అంటూ మార్కులు కొట్టేసింది. దీంతో ఎప్పుడెప్పడు టీజర్ చూద్దామా అంటూ.., 31వ తేదీ అర్ధరాత్రి కోసం కౌంట్ డౌన్ పెట్టుకుని మరీ ఎదురుచూస్తున్నారు. ఈ సంగతి అటుంచితే.., నందమూరి హీరో సినిమా పేరు ఇంకా కన్ఫర్మ్ కాలేదు. ఆమద్య ‘లయన్’ అన్నారు. దీనిపై వివాదం జరగటంతో ‘గాడ్సే‘ అనుకుని మళ్ళీ ‘వారియర్’గా మార్చారు. ఇది కూడా సెట్ కావటం లేదని తెలుస్తోంది. ప్రస్తుతం బాలయ్య సినిమాకు కొత్త టైటిల్ పరిశీలనలో ఉంది. ఇదే దాదాపు ఖరారవుతుందని కూడా అంటున్నారు.

ఇంతకీ ఆ టైటిల్ ఏమిటో చెప్పలేదు కదా.., ‘ఎన్.బి.కె.లయన్’ అనే టైటిల్ పరిశీలిస్తున్నారట. ఎన్.బి.కె. అంటే నందమూరి బాలకృష్ణ అని నెటిజన్లకు సుపరిచితమైన పేరు. లయన్ అంటే బాలయ్యకు ఎలాగూ సింహ సెంటిమెంట్ ఉంది. కాబట్టి రెండిటినీ కలిపేసి నందమూరి సింహం అనే అర్థం వచ్చేలా కొత్త టైటిల్ ఉంది. ప్రస్తుతం ఫిలింనగర్ లో ఈ పేరు బాగా ప్రచారంలో ఉన్నా.., మూవీ యూనిట్ మాత్రం అధికారికంగా ప్రకటన చేయలేదు. అవినీతి, అన్యాయాలను ఎదిరించే సామాన్యుడు ఏ పేరుతో రానున్నాడో రెండ్రోజుల్లో తేలిపోనుంది.

సత్యదేవ డైరెక్షన్ లో తెరకెక్కతున్న ఈ సినిమాలో త్రిష, రాధికా ఆప్టే నటిస్తున్న విషయం తెలిసిందే. రమణారావు నిర్మాతగా వ్యవహరిస్తున్న ఈ సినిమాకు మణిశర్మ సంగీతం అందిస్తన్నాడు. బాలయ్య నుంచి ఫ్యాన్స్ కోరుకునే యాక్షన్, డైలాగులు ఈ సినిమాలో ఉండటంతో పాటు కధలో పూర్తి కొత్తదనం ఉందని మూవీ యూనిట్ సభ్యులు చెప్తున్నారు.

కార్తిక్