అంతా అబద్దమైతే, అసలు నిజమేమిటో...?

Posted: 12/26/2014 10:53 AM IST

Ntr temper movie latest release date february 2015

జూనియర్ ఎన్టీఆర్ కు సినిమా కష్టాలు తప్పటం లేదు. కొద్ది కాలంగా ఆయన సినిమాలు వరుసగా ఫ్లాప్ అవుతూ ఇబ్బంది పెడుతున్నాయి. ఒకవేళ ఆదరణ పొందినా.., గతంలో వచ్చినంత పాపులారిటీ రావట్లేదు. సినిమాలకు ఈ అడ్డంకులు రావటంపై నందమూరి ఫ్యాన్స్ చాలా ఆవేదన చెందుతున్నారు. తాజాగా ఆయన నటిస్తున్న ‘టెంపర్’ సినిమా ఆగిపోయింది. షూటింగ్ ఎప్పుడో పూర్తయి, డిసెంబర్ లో ఆడియో విడుదల జరుపుకుని, సంక్రాంతి రేసులో విడుదల కావాల్సిన సినిమా ఇది.

కాని జానకీరామ్ మృతితో పాటు ఇతర కారణాల వల్ల సినిమా షూటింగ్ ఆగిపోయింది. కేవలం పది రోజుల షెడ్యూల్ మాత్రమే మిగిలి ఉన్నా., అది పూర్తి చేసే సమయం లేకపోవటంతో సంక్రాంతి బరి నుంచి సినిమా తప్పుకుంది. ఎలాగూ రేసులో లేదు కాబట్టి.., నిదానంగా వేసవి ప్రారంభంలో వస్తుంది అని అంతా భావించారు. ఎన్టీఆర్ ఫ్యాన్స్ కూడా ఇప్పట్లో సినిమా రాదు అనుకుని డీలా పడ్డారు. అయితే పుకార్లన్నీ అబద్దాలని సినిమా యూనిట్ ప్రకటించింది. సంక్రాంతి తర్వాత ఇరవై రోజులకు సినిమా విడుదల అవుతుందని ప్రకటించింది. తాజా అప్ డేట్ ప్రకారం.., ఫిబ్రవరి 05న సినిమా విడుదల చేయాలని భావిస్తున్నారట.

మరోవైపు పెండింగ్ ఉన్న పది రోజుల షూటింగ్ ను పూర్తి చేసేందుకు కూడా షెడ్యూల్ ఖరారు చేశారు. ఈ నెల 29 నుంచి చివరి షెడ్యూల్ షూటింగ్ జరగనుంది. జనవరి 9 లేదా 10వ తేదీ వరకు షూటింగ్ జరుపుకోనుంది. ఎలాగూ పోస్ట్ ఫ్రొడక్షన్ పనులు చాలావరకు పూర్తయ్యాయి కాబట్టి.., సంక్రాంతి తర్వాత ఫైనల్ వర్క్స్ జరుపుకుని విడుదలకు సిద్దం కానుంది. అటు సంక్రాంతి తర్వాత మూవీ ఆడియో విడుదల అవుతుందని చెప్తున్నారు. కాజల్ అగర్వాల్ జంటగా నటిస్తున్న ఈ సినిమాలో తారక్ పవర్ ఫుల్ పోలిస్ ఆఫీసర్ గా కన్పించనున్నాడు. బండ్ల గణేష్ నిర్మిస్తున్న ఈ సినిమాకు అనూప్ రూబెన్స్ సంగీతం అందించాడు.

కార్తిక్