పి.కె. తెలుగు రీమేక్..? హీరో ఎవరో తెలుసా...?

Posted: 12/24/2014 11:57 AM IST

Sharath marar considers pk movie telugu remake pawan kalyan

బాలీవుడ్ లో బ్లాక్ బస్టర్ హిట్ గా దూసుకెళ్తున్న పీ.కే. సినిమాపై అనేక ఊహాగానాలు వస్తున్నాయి. ఈ సినిమాను అమీర్ ఖాన్, రణబీర్ తో సీక్వెల్ తీస్తారని బిటౌన్ లో తెగ ప్రచారం జరుగుతోంది. రెండ్రోజుల క్రితం ఇదే విషయంపై డైరెక్టర్ సీక్వెల్ లో నటించమంటే అంతకంటే సంతోషం ఏముందని మనసులో మాటను ఖాన్ కూడా బయట పెట్టాడు. ఈ సినిమా సీక్వెల్ వస్తుందా.., రావటం లేదా అనేది కొద్దికాలం ఆగితే బయటకు తెలుస్తుంది. ప్రస్తుతం బి టౌన్ కంటే ఫిలింనగర్ లోనే పి.కే.పై ఎక్కువగా చర్చ జరుగుతోంది. ఈ సినిమాను తెలుగులో రీమేక్ చేస్తారని ఫిలింనగర్ అంతా మాట్లాడుకుంటోంది.

ఇండస్ర్టీకి చెందిన ప్రముఖులు ఈ సినిమా తెలుగు రైట్స్ కోసం ప్రయత్నిస్తున్నట్లు గుసగుసలు వస్తున్నాయి. రేసులో దిగ్గజ నిర్మాతలు చాలామందే ఉన్నారు. అందులో ఆసక్తికరంగా విన్పిస్తోంది శరత్ మరార్ పేరు. ఈయనెవరో తెలుసుగా, పవన్ కళ్యాణ్ స్నేహితుడు. అంతేకాదు ఆయన సినిమాలను కూడా ఈ మద్య నిర్మిస్తున్నారు. మరీయన ఎవరి కోసం సినిమాను కొంటున్నారు అంటే., ఇంకెవరు పవర్ స్టార్ కోసమే అని టాక్ విన్పిస్తోంది. దీంతో పవన్ కళ్యాణ్ (పి.కె.) ఈ హిందీ సినిమాలో నటిస్తాడు అని పుకార్లు వస్తున్నాయి.

పికే తెలుగు రైట్స్ రేసులో ఉన్న శరత్ పవన్ అభిప్రాయం కోసం ఎదురుచూస్తున్నాడట. పవర్ స్టార్ ఓకే చెప్తే వెంటనే రైట్స్ ను కొనేందుకు ఎంత ఖర్చయినా వెనకాడడు అని సన్నిహితులు చెప్తున్నారు. దేశ వ్యాప్తంగా ఫ్యాన్స్ కు ఫీవర్ లో ముంచెత్తిన ‘పికే’లో పవన్ నటిస్తే సూపర్ హిట్ అవతుంది అని టాక్ కూడా విన్పిస్తోంది. ఇవన్నీ ఎలా ఉన్నా.., పవర్ స్టార్ నిర్ణయమే ఇప్పుడు కీలకం. ఆయన పీకేకు ఓకే అంటాడా లేక.., డోంట్ కేర్ అని లైట్ తీస్కుంటాడా తెలియాల్సి ఉంది.

గతవారం విడుదల అయిన ‘పీ.కే.’ మూవీ రికార్డుల ప్రకంపనలు సృష్టిస్తోంది. అమీర్ ఖాన్ అనుష్క శర్మ జంటగా నటించిన ఈ సినిమా ఇప్పటికే రూ.100 కోట్ల మార్కును దాటి దూసుకెళ్తోంది. దేశంలో 5వేలకు పైగా థియేటర్లలో విడుదల అయిన ఈ మూవీకి హిట్ సూపర్ హిట్ టాక్ వచ్చింది. తమ సినిమా ఇంత విజయం సాధించటం పట్ల సంతోషంగా ఉందని మూవీ యూనిట్ తెలిపింది. సినిమా కోసం పడిన కష్టం ఫలించిందని అమీర్ ఖాన్ చెప్తున్నాడు. తన కెరీర్ లో ఇదో బ్లాక్ బస్టర్ గా మిగులుతుందని అనుష్క తెలిపింది.

కార్తిక్