సంతానంతో సరసాలకు సిద్ధమైంది

Posted: 10/13/2014 12:15 PM IST

టాప్ హీరోయన్ గా పేరు తెచ్చుకున్న అనుష్క అనూహ్య నిర్ణయం తీసుకుంది. త్వరలోనే ఆమె కామెడి హీరోతో కలిసి స్టెప్పులేసేందుకు సిద్ధమవుతోంది. తమిళంలో పాపులర్, బిజి కమెడియన్ గా పేరు పొందిన సంతానం తో అనుష్క నటిస్తుందని కోలివుడ్ వర్గాలు అంటున్నాయి. ప్రస్తుతం తమిళ పరిశ్రమలో ఎవరి నోట విన్నా ఇదే హాట్ న్యూస్. సంతానంను తక్కువ చేసి చూడలేము. ఆయనకున్న పాపులారిటీ అలాంటిది. అలాగని కమెడియన్ సరసన నటించటం ఏంటి అని అంతా తెగ చర్చించుకుంటున్నారు. ఇందుకు అనుష్క ఎలా ఓకే చెప్పింది అని తలలు పట్టుకుంటున్నారు.

అప్పట్లో ‘ బాస్ ఎనిర్గ భాస్కరన్’ అనే సినిమాను డైరెక్ట్ చేసిన రాజేష్ కొత్తగా మరో సినిమా తీసేందుకు రెడి అయ్యాడు. తాజా ప్రాజెక్టును హీరో ఆర్యతో కలిసి నిర్మిస్తారని టాక్ కూడా వస్తోంది. ఈ సినిమాలో ఆర్య, సంతానం హీరోలుగా నటిస్తున్నారట. ఇద్దరు హీరోల్లో ఆర్య పక్కన తమన్నాను హీరోయిన్ గా పెట్టాలని డిసైడ్ అయ్యారు. ఇక సంతానం కోసం ముద్దుగుమ్మలను వెతికి.., వెతికి అనుష్క అయితే బాగుంటుంది అని ఫైనల్ చేశారు. ఈ మేరకు యోగా టీచర్ కు కబురు పంపితే కన్ఫర్మ్ చేసిందని గుసగుసలు విన్పిస్తున్నాయి.

అనుష్కకు డైరెక్టర్ చెప్పిన కధ నచ్చటంతో వెంటనే ఓకే చెప్పేసిందని అంటున్నారు. తమన్నా కూడా ఇలాగే కధ విని ఉత్సాహంగా సినిమా చేసేద్దాం అనేసిందట. మరి అంతలా ఆ కధలో ఏముందో త్వరలోనే తెలుస్తుంది. ఈ సినిమాను త్వరలో మొదలు పెట్టేందుకు ప్రణాళికలు రూపొందిస్తున్నారు. సంతానం సరసన అనుష్క వినటానికి కామెడిగా ఉన్నా.., ఇది నిజమని ఇప్పటికైనా నమ్మక తప్పదు కావాలంటే త్వరలోనే అధికారిక ప్రకటన చేస్తారు అప్పుడైనా ఆశ్చర్యపోకుండా వినండి. ఎనీవే ఆల్ ది బెస్ట్ టు న్యూ ప్రాజెక్ట్.

కార్తిక్