అన్నయ్య లవర్ తో అఖిల్ రొమాన్స్

Posted: 10/14/2014 01:26 PM IST

టాలీవుడ్ లోకి ఎంట్రీ ఇచ్చేందుకు ఎగ్జైటింగ్ గా ఎదురుచూస్తున్న అక్కినేని నట వారసుడు అఖిల్.., త్వరలోనే సినిమా ముఖానికి రంగు వేసుకోబోతున్నాడు. ఇప్పటికే అఖిల్ నటించిన ఓ యాడ్ కు తెగ పాపులారిటీ వచ్చింది. సినిమాల్లోకి రాకముందే స్టార్ అయిన హీరోగా క్రేజ్ తెచ్చుకోవటంతో సినిమా ఎంట్రీపై తెగ చర్చ జరుగుతోంది. డైరెక్టర్ ఎవరు, కధ ఏమిటి.., హీరోయిన్ గా ఎవరు ఎంపికయ్యారు. ఇలా అనేక ప్రశ్నలు అక్కినేని అభిమానుల నుంచి వస్తున్నాయి. డైరెక్టర్ గా వి.వి. వినాయక్ పేరు దాదాపుగా ఖరారు కాగా.., తాజాగా హీరోయిన్ కూడా ఎంపికయినట్లు తెలుస్తుంది.

అందాల భామ రాశి ఖన్నా అఖిల్ మొదటి సినిమా హీరోయిన్ అని గుసగుసలు విన్పిస్తున్నాయి. తొలి ప్రాజెక్టుకు ఈ అమ్మడిని ఓకే చేశారని ఫిలింనగర్ లో అనుకుంటున్నారు. అక్కినేని ఫ్యామిలి మూవీ ‘మనం’ నటించిన రాశి ఖన్నా ఆ సినిమాలో నాగచైతన్య లవర్ గా నటించింది. అంటే అన్నయ్య లవర్ తో అఖిల్ తొలి సినిమా చేస్తున్నాడన్నమాట అని టాలీవుడ్ ప్రముఖులు కామెంట్లు చేస్తున్నారు. డైరెక్టర్, హీరోయిన్ కూడా ఓకే కావటంతో త్వరలోనే సినిమా షూటింగ్ ప్రారంభం అయ్యే అవకాశం ఉందని సమాచారం.

వి.వి. వినాయక్ చెప్పిన కధను ఓకే చేసిన అక్కినేని ఫ్యామిలి నట వారసుడి తొలి సినిమా అవకాశం ఇచ్చింది. ఢిల్లీ భామ రాశి కన్నా ‘మనం’, ‘ఊహలు గుసగుసలాడే’ సినిమాలతో పాపులర్ అయింది. ‘మనం’లో అమ్మడి నటనకు మెచ్చి.., అఖిల్ కు సూట్ అవుతుందని భావించి ఈ సినిమాకు ఎంపిక చేశారు. ఇదే ‘మనం’ మూవీతో ఫస్ట్ లుక్ ఇచ్చిన అఖిల్ తొలి సినిమా గురించి మరిన్ని వివరాలు త్వరలోనే అందిస్తాము.

కార్తిక్