నిర్మాతలతో సమంత రిలేషన్.. మదిలో ఆ ఆలోచన!

Posted: 09/24/2014 08:37 PM IST

సాధారణంగా చిత్రపరిశ్రమలో హీరోయిన్ గా ఆఫర్లను సాధించాలంటే ఎన్నో కష్టాలు, అవస్థలు పడాల్సి వుంటుంది. కేవలం అందం మాత్రమే వుంటే సరిపోదు... సన్నివేశాలకు తగ్గట్టు మంచి నటన ప్రతిభతో దర్శకనిర్మాతల మనస్సును గెలుచుకోవాల్సి వుంటుంది. ఆ పరీక్షల్లో పాసైన తర్వాత నిర్మాతలు సదరు అమ్మాయిలకు హీరోయిన్ గా అవకాశమివ్వడానికి ముందుకు వస్తారు. ప్రస్తుతం స్టార్ హీరోయిన్ గా కొనసాగుతున్న గ్లామర్ డాల్ సమంత కూడా ఇలాగే ఎన్నో కష్టాలు పడి, దర్శకనిర్మాతల మనస్సును దోచుకుంటూ.. నేడు వారినే డేట్స్ కోసం తన వెంట తిప్పుకోంటోంది. సమంత తమ సినిమాల్లో నటిస్తే.. ఖచ్చితంగా హిట్ కొడుతుందనే నమ్మకాన్ని ప్రొడ్యూసర్లు వ్యక్తపరుస్తున్నారు.

ఇదిలావుండగా.. తాజాగా ఒక ఇంటర్య్వూలో సమంత కొన్ని ఆసక్తికరమైన విషయాలను వెల్లడించింది. తనకూ, నిర్మాతలకు మధ్య వుండే రిలేషన్ గురించి తెలిపింది. సౌత్ ఇండస్ట్రీలో వుండే నిర్మాతలందరూ తనను ఎంతగానో గౌరవిస్తున్నారని... తమ సినిమాల్లో తననే(సమంత) తీసుకోవాలని కోరుకుంటుకున్నారని తెలిపింది. ఇంటర్య్వూలో భాగంగా ఒక మీడియా ప్రతినిధి ‘‘మీరు బాలీవుడ్ కి వెళ్లాలనుకుంటున్నారా..?’’ అని ప్రశ్న అడిగిన నేపథ్యంలో సమంత ఇలా స్పందించింది. అలాగే తనకు బాలీవుడ్ కి వెళ్లాలనే ఆలోచన తన మదిలో లేదని స్పష్టం చేసింది.

ఈ నేపథ్యంలోనే సమంత మాట్లాడుతూ.. ‘‘నేను సౌత్ లో చాలా బిజీగా వున్నా. ఇక్కడ నాకోసం ఆయా దర్శకులు కొత్తకొత్త పాత్రలు క్రియేట్ చేస్తున్నారు. నాకంటూ అభిమానులు చాలామంది వున్నారు. నేనే కావాలని కోరుకునే నిర్మాతలూ వున్నారు. అలాంటప్పుడు వీటన్నిటినీ వదులుకొని.. ఎక్కడికో ఎందుకు వెళ్లాలి? నాకైతే అంత అవసరం లేదనిపిస్తోంది. అందుకే బాలీవుడ్ ఆలోచనే నా మదిలో లేదు’’ అని తేల్చి చెప్పేసింది. ఒకవైపు కాజల్, తమన్నా, తాప్సీ వంటి భామలు బాలీవుడ్ వైపు పరుగులు తీస్తుంటే.. ఈ అమ్మడు మాత్రం సౌత్ ఇండస్ట్రీయే బెస్ట్ అంటూ.. అందరితో మంచి మార్కులే కొట్టేసింది.