అంటే సొంతంగా ఆలోచించరన్నమాట..

Posted: 09/25/2014 11:46 AM IST

కోన వెంకట్ డైలాగులు చాలా పాపులర్. అయితే ఆయన గురించి ఒక విషయం బయటకు తెలిసింది. అదేమంటే... కోన కొత్త సినిమా ఒకటి చేస్తున్నారట. ఇందులో కొత్తేముంది.. సినమా వాళ్లు సినిమాలు చేసుకోకుండా.., ఇంకేం చేస్తారు అనే కడా మీ డౌట్. అయితే వెంకీ చేస్తోంది ‘శంకరాభరణం’. అవును తెలుగులో ఎవర్ గ్రీన్ మూవీ అయిన ‘శంకరాభరణం’ సినిమాను ఇప్పుడు కోన చేస్తున్నాడు. అంటే కేవలం ఆ సినిమా పేరును మాత్రమే వాడుతున్నాడనుకోండి. ఈ మద్య కోన అన్ని పాత సినిమా పేర్లతో తన సినిమాలు తీస్తున్నాడు.

డైలాగులు అయితే కొత్తగా రాసే కోన, సినిమా పేర్లను మాత్రం ఎందుకు పాతవి వాడుతున్నాడు..? సొంత ఆలోచనలు లేవా.., రావా అంటే అక్కడే కామెడి స్క్రిప్టులో కాలేసినట్లే. పాతవాటిలో పాపులర్ అయిన సినిమాల పేర్లను కోన వాడుతున్నాడు. దీనివల్ల త్వరగా ప్రేక్షకులకు గుర్తుండటంతో పాటు., పబ్లిసిటీ కూడా ఈజీగా వస్తుంది. ఇక కధ ఎలాగూ మార్చి తీస్తారు కాబట్టి పాత సినిమా అనే ప్రభావం పడకుండా ప్రేక్షకుడు థియేటర్ కు వస్తాడు. ఇదే కోన స్కెచ్ అందుకే అంజలిని పెట్టి.., పాత హిట్ ‘గీతాంజలి’ నిర్మించి.., మళ్లీ హిట్ కొట్టాడు. ఇప్పుడు ఎవర్ గ్రీన్ ‘శంకరాభరణం’ తీస్తున్నాడు.., ఈ మూవీ కూడా ఎవర్ గ్రీన్ గా నిలుస్తుందని ఆశిస్తున్నాడు.

ఇప్పటివరకయితే ఈ సినిమా వివరాలు బయటకు వెల్లడించలేదు. రవితేజతో సినిమాకు ఈ పేరు పెడతాడు అనుకోలేము. ఎందుకంటే దానికి గతంలోనే ‘రంగుపడుద్ది’ అనే టైటిల్ పెట్టేసుకుని హిట్టయినట్లు మూడేళ్ళ క్రితమే కలలు కనేసి అలా ఉంచుకున్నాడు. దీంతో మరో కొత్త హీరోతో ఈ కధ చేస్తారని తెలుస్తోంది. అయితే ఈ సినిమాకు కోన మాటలు రాస్తాడా లేక డైరెక్ట్ చేస్తాడా.. గీతాంజలి లాగా నిర్మాతగా ఉంటాడా అనేది ఆయనే చెప్పాలి. ఎనీవే సినిమా పేర్లను తెలుగు సీరియల్స్ వాడుకుంటుండగా.. టాలీవుడ్ లో ఆ సాంప్రదాయం ఎక్కువగా కొనసాగిస్తున్న వ్యక్తిగా కోన వెంకట్ నిలిచిపోతారేమో?.

కార్తిక్