ఇక సినిమాలకు శుభం కార్డు పెట్టేసుకుందా..?

Posted: 09/24/2014 10:46 AM IST

సమంత ఇక సినిమాలు చేయదని టాక్ విన్పిస్తోంది. ప్రస్తుతం ఈ అమ్మడి చేతిలో సినిమాలు లేవు. అంటే ఆఫర్లు రాలేదని కాదు.., వచ్చిన ఆఫర్లను వద్దనుకుంది. చాలా సినిమాలు సిద్ధంగా ఉన్నా.., సైన్ చేయనని చాలా రోజుల క్రితమే చెప్పేసింది. అయితే కారణాలు మాత్రం చెప్పలేదు. ఒకప్పుడు రోజుల తరబడి హైదరాబాద్ లో ఉన్న ఈ అమ్మడు బాగ్యనగరానికి రాక చాలారోజులయింది. చేతిలో ఉన్న ఒక్క సినిమాను చేసి వెళ్లేందుకు ఇప్పుడు హైదరాబాద్ వస్తోందట. అక్టోబర్ 1న ఆమె సినిమా షూటింగ్ ప్రారంభం అవుతుంది. ఇదే చివరి సినిమా అవుతుందని తెగ పుకార్లు వస్తున్నాయి.

అల్లు అర్జున్ త్రివిక్రమ్ శ్రీనివాస్ కాంబినేషన్ లోవస్తున్న కొత్త సినిమాలో సమంత హీరోయిన్ గా నటిస్తోంది. గతంలోనే ఈ సినిమా ఓకే కావటంతో తప్పక చేసేందుకు వస్తోందని సన్నిహితులు చెప్తున్నారు. సమంత ఈ మద్య కాస్త డిఫరెంట్ గా ప్రవర్తిస్తోంది. బాలీవుడ్ లో అంజాన్ సినిమాలో బికినీ వేసుకుని హల్ చల్ చేసింది. ఆ తర్వాత మీడియా ముందుకు రాలేదు. ఇక ట్విట్టర్ లో కూడా ఫిలాసఫీతో కూడిన ట్వీట్లు చేస్తోంది. బాగా ఊపులో ఉన్నపుడే సినిమాలు ఆపేస్తానని.. కెరీర్ డౌన్ అయితే తట్టుకోలేనని ఆ మద్య ట్వీట్ చేసింది. అన్నట్టే.. కెరీర్ ఇప్పుడు మంచి ఊపు మీద ఉండగా సినిమాలు చేసేందుకు అంగీకరించటం లేదు.

అయితే ఇది తాత్కలికమా.., లేక శాశ్వతంగా సినిమాలకు గుడ్ బై చెప్తోందా..? అనేది మాత్రం ఇంకా సస్పెన్స్ గా ఉంది. అటు ఈ ముగింపు పెళ్లి జీవితం ప్రారంభించేందుకే అని ఫిలింనగర్ నుంచి వార్తలు వస్తున్నాయి. పెళ్లి చేసుకుంటోంది కాబట్టే సినిమాలు వదిలేసి సెటిల్ అవుదామనే ఆలోచనలో ఉన్నట్లు తెలుస్తోంది. బిగ్ పార్టీనే చేసుకుంటోందని., అందువల్లే సినిమాలు లేకపోయినా పెద్దగా బాధపడటం లేదని అంటున్నారు. మరికొందరు మాత్రం., పెళ్లి అయినా కొద్దికాలం తర్వాత మళ్లీ తెరపైకి వస్తుంది అంటున్నారు. ఫ్యాన్స్ ను ఇలా ఒంటరి చేసి వెళ్లటం సమంతకు న్యాయమా..? ఆమెకే తెలియాలి.

కార్తిక్