పవన్ సీటు ఇస్తావా, సినిమా చేస్తావా?

Posted: 03/24/2014 01:48 PM IST

టాలీవుడ్ లో పవన్  కళ్యాన్ పై అనేక రకాల పుకార్లు పడుతున్నాయి.  ఇలాంటి పుకార్లతో  అభిమానులు ఆందోళన చెందుతున్నారు.  సినీమాల పరంగా  పవన్  కు కష్టాలు వస్తున్నాయని  టాలీవుడ్ టాక్ నడుస్తుంది. పవన్ కళ్యాణ్ సమాజంలో జరుగుతున్న అవినీతిని, కుళ్ళును కడిగి పారేయాలి అన్న మంచి ఆలోచన ఉన్నా, దాన్ని ఆచరించే క్రమంలో ఆయన ఎన్నుకున్న జనసేన రాజకీయ దారి సరికాదేమో అనిపిస్తోంది. 

ఎందుకంటే రాజకీయానికి నీతి సూత్రాలతో కన్నా డబ్బు మూటలతోనే పని ఎక్కువ. కాబట్టి జనసేనను ముందుగా జనాల్లోకి తీసుకెళ్ళి సైన్యాన్ని తయారు చేయాలన్నా పవన్ బాబుకు కొంతలో కొంతైనా డబ్బులు కావాలి. అలాంటి అవసరాలు తీర్చడానికి ఆయన పంచన చేరిన వ్యక్తే నిర్మాత, వ్యాపారవేత్త ప్రసాద్ వర పొట్లూరి.

జనసేన ఆవిర్భావ సభకు పవన్ కళ్యాణ్ ఖర్చు చేసింది మొత్తం ప్రసాద్ ఖజానా నుండి వచ్చిన సొమ్ములేనట. నిజానికి పవన్, ప్రసాద్ సంస్థ పీవీపీ సినిమా మధ్య కుదిరిన రెండు సినిమాల ఒప్పందం తాలుకు అడ్వాన్స్ పేమెంట్ నుండి గీకితేనే జనసేన మొదటి సభ గడించింది అని ఓ మీడియా ఎనాలిసిస్.

కానీ ప్రసాదుకు తద్వారా కావాల్సింది, రావాల్సింది విజయవాడ ఎంపీ టిక్కెట్. ఇప్పుడు నాయుడు, మోడీతో పవన్ మంతనాల తరువాత ప్రసాదుకు సీటు దొరకదేమోనన్న భయం పట్టుకుందట.

అందుకే ఎలాగైనా తనకు సీటు అయినా ఇవ్వాలి లేదా సినిమా అయినా ఉన్నపళంగా మొదలెట్టాలి అని ప్రసాద్ మెల్లిగా పవన్ మీద యుద్ధం షురూ చేసాడని టాలీవు్ వర్గాలు  గుసగుసలాడుకుంటున్నాయి. 

ఆర్ఎస్