మంచు లక్ష్మి చిత్తూరు నుండి పోటీ

Posted: 09/24/2013 09:11 AM IST

టాలీవుడ్ లో డైలాగ్ కింగ్ గా పేరు తెచ్చుకున్న నటుడు, నిర్మాత మోహన్ బాబు ఒకప్పుడు రాజకీయాల్లో క్రియాశీల పాత్ర పోషించిన విషయం తెలిసిందే. అయితే ఆయన గత కొన్ని సంవత్సరాల నుండి రాజకీయాలకు దూరంగా ఉంటూ వస్తున్న ఈయనకు ఇటీవల మళ్ళీ రాజకీయాల పై మళ్ళీ మనస్సు మళ్లింది. ఆ మధ్య కాలంలో ఈయన క్రియాశీల రాజకీయాల్లోకి వస్తున్నానంటూ ప్రకటనలు చేయడమే కాకుండా తమ పుత్ర సమేతంగా పలువురు రాజకీయ నేతల్ని కలిశారు. అందులో మోడీ, వైయస్ జగన్ కూడా ఉన్నారు. దీంతో వీరి ఫ్యామిలీ నుండి 2014 ఎన్నికల్లో ఎవరో ఒకరు పోటీ చేయడం ఖాయం అనుకున్నారు. మొదట వీరు వైయస్సార్ కాంగ్రెస్ లో చేరుతారని, అందుకే ఆయన జగన్ ని కలిశారని వార్తలు వచ్చాయి. ఆ తరువాత గమ్ముగా ఉన్నా, మొన్నటికి మొన్న మోడీనీ కలిశారు. అప్పుడు కమలంలోకి వెళుతున్నారని అన్నారు. కానీ నిన్న జగన్ ని బెయిల్ రావడంతో మళ్ళీ వీరి ఫ్యామిలీ రాజకీయ ప్రవేశం పై వార్తలు జోరందుకున్నాయి. కారణం ఏంటేంటే జగన్ కి బెయిల్ వచ్చిన వెంటనే మంచు లక్ష్మి హర్షం వ్యక్తం చేయడమే. దీంతో ఈమె వైయస్సార్ పార్టీ నుండి టిక్కెట్ ఆశిస్తుందని, త్వరలో జగన్ ని కలిసి చిత్తూరు జిల్లాలో ఏదో ఒక స్థానం నుండి టిక్కెట్ కన్ ఫర్మ్ చేసుకుంటుందని పార్టీ వర్గాల్లో చర్చ జరుగుతుంది. మొత్తానికి మంచు ఫ్యామిలీ నుండి లక్ష్మి ఎంట్రీ రాజకీయాల్లోకి ఎంట్రీ ఇవ్వబోతుందనే క్లారిటీ వచ్చిందన్న మాట.