అమ్మ చల్లంగుండాలనుకుంటున్నమోడీ

Posted: 08/27/2013 03:47 PM IST

ఒకరు తూర్పు, మరోకరు.. పడమర.. ఇద్దరు జెండాలు, అజెండాలు వేరు. అయిన రాజకీయ నాయకులే. అయితే ఇద్దరు ఒకరిపై ఒకరు కత్తులతో మాటల యుద్దం చేస్తుంటారు. రాజకీయంగా ఇద్దరు ప్రత్యక్ష యుద్దం చేస్తారు. ఒకరు అధికారంలో ఉంటే.. మరోకరు అధికారం కోసం దేశమంత రథయాత్ర చేస్తున్నారు. అయితే ఇద్దరిలోను ఒకరిపై ఒకరికి అభిమానం, ఉందని నిన్న జరిగిన విషయంతో అర్థమైంది. నిన్న లోక్ సభలో ఆహార భద్రత బిల్లు ప్రవేశ పెట్టే సమయంలో సోనియా గాంధీకి ఛాతీ నొప్పి రావటంతో.. వెంటనే ఎయిమ్స్ లో చేర్చిన విషయం తెలిసిందే. అయితే సోనియా గాంధీ అనారోగ్యం విషయం తెలుసుకొని..గుజరాత్ ముఖ్యమంత్రి నరేంద్ర మోడి ఖంగారుపడినట్లు తెలుస్తుంది. అంతేకాకుండా సోనియా గాంధీ అత్యవసర వైద్య సదుపాయాలు ఉపయోగించకపోవడం పట్ల మోడి మండిపడుతున్నారు. అన్ని సౌకర్యాలు అందుబాటులో ఉన్నప్పటికి ..అమ్మ కోసం ఆ సౌకర్యాలను ఎందుకు వాడలేదని మోడి ప్రశ్నిస్తున్నారు. పార్లమెంట్లో ఉన్న అంబులెన్స్, చక్రాల కూర్చీ కానీ, స్ట్రెచర్ అందుబాటులో ఉన్నప్పటికి వాటిని వాడలేదని.. మోడీ ట్విట్టర్ ద్వారా ప్రశ్నిస్తున్నారు. అయితే అమ్మ ఆరోగ్యం కుదుటపడి ఆస్పత్రి నుంచి ఇంటికి తిరిగి వచ్చారని తెలిసి మోడి చాలా ఆనందపడినట్లు తెలుస్తోంది. అంతేకాకుండా..అమ్మ ఎప్పుడు సంపూర్ణ ఆరోగ్యంతో చల్లగుండాలని నరేంద్రమోడీ అభిలషించారు. అమ్మ పై కురిపించిన మోడి అభినందనలు విన్న కాంగ్రెస్ నాయకులు ఖంగుతిన్నారు. నరేంద్రమోడీ పరోక్షంగా అమ్మకు అభిమానే అనే విషయం అందరికి తెలిసిపోయిందని కాంగ్రెస్ నాయకులు గుసగుసలాడుకుంటున్నారు.