సోనియాకు కేసిఆర్ స్వీట్ బాక్స్ ? పోటీలో కోదండరామ్

Posted: 07/27/2013 11:24 AM IST

కాంగ్రెస్ పార్టీ అధినేత్రి సోనియాగాంధీకి ఇప్పుడు తెలంగాణ నుండి స్వీట్ బాక్స్ లు ఢిల్లీకి రెఢీ అవుతున్నాయి. తెలంగాణ రాష్ట్ర సమితి అధ్యక్షడు కల్వకుంట్ల చంద్రశేఖర్ ఆద్వరంలో ఈ స్వీట్ డబ్బాలు రెఢీ అవుతున్నట్లు టీఆర్ఎస్ పార్టీ సీనియర్ నాయకులు అంటున్నారు. ఇది కే కేశవరావు సలహా మేరకు ఢిల్లీ పెద్దలకు తెలంగాణ ప్రాంతం నుండి తయారు చేసిన స్వీట్లు పంపించాలనే నిర్ణయం తీసుకున్నట్లు తెలుస్తోంది. జరిగిన కోర్ కమిటిలో సోనియాగాంధీ తెలంగాణ కు అనుకూలంగా నిర్ణయం తీసుకుందనే సంకేతాలు రావటంతో.. టీఆర్ఎస్ పార్టీ నాయకులు, తెలంగాణ ప్రజలు చాలా ఆనందంగా ఉన్నట్లు సమాచారం. ఢిల్లీలో సీమాంద్ర నాయకులు ఎన్ని కుట్రలు పన్నినప్పటికి.. సోనియగాందీ మాత్రం తెలంగాణ పై గట్టి నిర్ణయం తీసుకుందని తెలంగాణ కాంగ్రెస్ పార్టీ నాయకులు చెబుతున్నారు. ఢిల్లీలో వార్ రూమ్ లో జరిగిన విషయాలను కేసిఆర్ ఎప్పటికప్పడు.. తన ఇమేజ్ తో ఢిల్లీ పెద్దల నుండి తెలుసుకున్నట్లు టీఆర్ఎస్ నాయకులు అంటున్నారు. నేషనల్ మీడియాలో కూడా తెలంగాణ పై సోనియగాంధీ స్పష్టతకు వచ్చినట్లు ఉక దంపుడుగా తెలంగాణ న్యూస్ చెప్పటంతో.. ఆయా నేషనల్ మీడియాలకు రేటింగ్ బాగా పెరిగినట్లు ఢిల్లీ మీడియా వర్గాలు అంటున్నాయి.

 

అమ్మ తీసుకున్న నిర్ణయంతో సీమాంద్ర నాయకుల్లో కొత్త భయం పుట్టినట్లు తెలంగాణ కాంగ్రెస్ నాయకులు అంటున్నారు. అయితే తెలంగాణ పై ప్రకటన వచ్చిన వెంటనే .. కేసిఆర్ స్వీట్ బాక్స్ తో అమ్మ కలిసి.. టీఆర్ఎస్ పార్టీ విలీనం చేసే విషయం పై మాట్లాడేందుకు సిద్దంగా ఉన్నట్లు టీఆర్ఎస్ పార్టీలోని సీనియర్ నాయకులు గుసగుసలాడుకుంటున్నారు. ఈ విలీనం వెనుక పెద్ద రహస్యం దాగి ఉందని కాంగ్రెస్ నాయకులు అంటున్నారు. సోనియగాంధీ తెలంగాణ ఇస్తే. తెలంగాణ ప్రజలకు ఇక టీఆర్ఎస్ పార్టీతో సంబంధం ఏం ఉంటుంది? తెలంగాణ ప్రజలు ఇప్పటికే అనేక సార్లు తెలంగాణ ఇచ్చిన వారికే.. మా ఓటు అంటూ బహిరంగ ప్రకటనలు చేసిన విషయం తెలిసిందే. ఆ విషయాన్ని కేసిఆర్ ముందుగానే పసిగట్టి.. తన పార్టీని కాంగ్రెస్ పార్టీ విలీనం చేసేందుకు సిద్దమైనట్లుగా తెలంగాణ కాంగ్రెస్ నాయకులు అంటున్నారు. కొసమెరుపు ఏమిటంటే.. తెలంగాణ జేఏసీ చైర్మన్ కోదండరామ్ .. 2014 ఎన్నికల్లో కాంగ్రెస్ పార్టీ నుండి పోటీ చేస్తున్నారంటూ కాంగ్రెస్ నాయకులు గాంధీ భవన్ లో ముచ్చటించుకుంటున్నారు.