జగన్ పై బెట్టింగులు

Posted: 07/26/2013 09:22 AM IST

కడప ఎంపీ వైఎస్ జగన్ పై బెట్టింగులు పెడుతున్నారు బడా రాజకీయ నాయకులు. వైఎస్ జగన్ అభిమాను మద్య కూడా ఈ బెట్టింగులు జరుగుతున్నట్లు సమాచారం. జగన్ పై కోట్లు రూపాయలు బెట్టింగులు పెడుతున్నారు. అక్రమాస్తుల కేసులో అరెస్టయిన వైఎస్ జగన్మోహన్‌రెడ్డి విచారణ సెప్టెంబరుతో పూర్తి చేయాలని సుప్రీం ఆదేశించిన గడువు దగ్గరపడుతున్న కోద్ది వైఎస్ జగన్ అభిమానుల్లో ఉన్న అభిమానం బెట్టింగులు వైపు నడిపిస్తుంది. మరో రెండు నెలల్లో ఆయన బెయిల్‌పై బయటకు వస్తారన్నా ఆశ పార్టీ శ్రేణుల్లో పెరగట, దీంతో బెట్టింగ్‌రాయుళ్లు జగన్ బెయిల్‌పై బెట్టింగ్‌లు కాస్తున్నారు. కోట్ల రూపాయాలు చేతులు మారుతున్నాయనే ఆరోపణలు గుప్పుమంటున్నాయి. ప్రస్తుతం సెప్టెంబరు వరకు ఉన్న సుప్రీం గడువుతో మళ్లీ సీమాంద్రలో బెట్టింగ్‌లు ప్రారంభమయినట్లు తెలుస్తోంది. గత ఏడాది మే 27న అరెస్టై చంచల్ గూడ జైల్లో రిమాండ్ ఖైదీగా జగన్ ఉంటున్నారు. నేటికి పద్నాలుగు నెలలు పూర్తవుతుంది. మరో రెండు నెలల్లో విచారణ పూర్తి చేయాలని సుప్రీం కోర్టు సీబీఐకి ఆదేశాలు జారీ చేసింది. కాగా బెయిల్‌పై మాత్రం స్పష్టమైన ఆదేశాలు లేవు. సెప్టెంబరులో బయటకు వచ్చే అవకాశం కనిపిస్తోందని బెట్టింగ్‌రాయుళ్లు భారీగా బెట్టింగ్‌లకు పాల్పడుతున్నారు. ముఖ్యంగా కడప, కర్నూలు, చిత్తూరు, ప్రకాశం, నెల్లూరు , విశాఖపట్టనం, హైదరాబాద్, గుంటూరు, విజయవాడలో కోట్ల రూపాయాల బెట్టింగ్‌లకు సిద్దమైనట్లు పార్టీ కార్యకర్తలు చెప్పుకుంటున్నారు.