విశాఖ నుంచి చిరంజీవి పోటి?

Posted: 06/24/2013 08:47 PM IST

రాబోయే ఎన్నికల్లో కేంద్ర పర్యాటక శాఖ మంత్రి చిరంజీవి విశాఖ నుండి పోటీ చేసే అవకాశాలు ఎక్కువుగా ఉన్నట్లు రాజకీయ వర్గాలు అంటున్నాయి. జరుగుతున్న రాజకీయ పరిస్థితులు కూడా అలాగే ఉన్నట్లు తెలుస్తోంది. ఇప్పుటిడే విశాఖ సీటు కోసం.. రాజ్యసభ సభ్యుడు తిక్కవరపు సుబ్బరామిరెడ్డి, విశాఖ ప్రస్తుత ఎంపీ పురందేశ్వరి మద్య యుద్దం జరుగుతున్న విషయం తెలిసిందే. విశాఖ సీటు కోసం కాంగ్రెస్ నాయకులే రోడ్డెక్కుతున్న సమయంలో కాంగ్రెస్ అధిష్టానం కొత్త ఆలోచనలు చేస్తున్నట్లు ఢిల్లీ నాయకులు అంటున్నారు. అధిష్టానంలో ఆలోచనల్లో చిరంజీవి పేరు ఉన్నట్లు తెలుస్తోంది. ఇటీవల కాలంలో కేంద్ర మంత్రి విశాఖ పై ప్రత్యేకమైన అనుబందాన్ని చూపుతున్నాడని కాంగ్రెస్ నాయకులే బహిరంగంగా చెప్పుకుంటున్నారు. అంతేకాకుండా మంత్రి గంటా శ్రీనివాసరావుతో మంచి రాజకీయ సంబంధాలు కలిగి ఉన్న విషయం తెలిసిందే. అయితే విశాఖ జిల్లాలో కాపులు ఎక్కువుగా ఉండటంతో చిరంజీవికి కలిసి వచ్చే ఛాన్స్ ఉన్నట్లుగా ఢిల్లీ అధిష్టానంలో ఆలోచన చేస్తుంది. విశాఖపట్టణం సీటు ను చిరంజీవికి ఇవ్వటంతో.. టిఎస్సార్ , దగ్గుబాటిల మద్య యుద్దం సమచిపోతుందనే ఉద్దేశంతో కాంగ్రెస్ అధిష్టానం బావిస్తుందని కాంగ్రెస్ వర్గాలు అంటున్నాయి. 2014లోఎన్నికల గెలుపు గుర్రల సర్వేలో భాగంగా కేంద్ర మంత్రి చిరంజీవి పేరు విశాఖపట్టణం లోక్ సభకు కేటాయించినట్లు ఢిల్లీలోని కాంగ్రెస్ పార్టీ సీనియర్ నాయకులు అంటున్నారు. అయితే ఆ సమయానికి ఈ ముగ్గురిలో ఎవరి పేరు విశాఖలో ఉంటుందో చూడాలి.