కసితీర్చుకున్న పాకిస్తాన్ ?

Posted: 05/01/2013 01:51 PM IST

నిజమే అంటున్నారు రాజకీయ విమర్శకులు. భారతదేశం పై ఉన్న పగను ఇలా తీర్చుకుందని వారు అంటున్నారు. లాహోర్ జైలులో ఖైదీల దాడిలో గాయపడి కోమాలోకెళ్ళిన భారతీయ ఖైదీ సరబ్ జిత్ ఆరోగ్య పరిస్థితి క్షీణిస్తున్నట్లు పాక్ వైద్యులు ప్రకటించారు. సరబ్ జిత్ ‘బ్రెయిన్ డెడ్’ అని మాత్రం ప్రకటించలేమని వైద్యులు తెలిపారు. మెరుగైన చికిత్సకోసం సరబ్ ని భారత్ పంపించాల్సిందిగా భారత ప్రభుత్వం పాకిస్థాన్ ను కోరిన సంగతి తెలిసిందే. అసలు బ్రెయిన్ డెడ్ అంటే అర్థం ఏమిటి? ఆమనిషి పూర్తి చనిపోయినట్టు లెక్కే అని కొంతమంది వైద్యులు అంటున్నారు. కుటుంబ సభ్యులు అనుమతి ఇస్తే..సరబ్ జిత్ కు ఉన్న వెంటేలీటర్ తీసివేస్తామని పాకిస్థాన్ వైద్యులు చెబుతున్నారు.

మెరుగైన వైద్యం కోసం భారత్ పంపించాలని కోరినప్పటికి ..పాకిస్థాన్ నిరాకరించిన విషయం తెలిసిందే. ఒక చిన్న ఆసుపత్రిలోనే సరబ్ జిత్ కు వైద్యం చేస్తున్నట్లు మీడియా వర్గాలు అంటున్నాయి. పాకిస్థాన్ మొండి వైఖరికి గల కారణం ఏమిటి? అంటే .. ఇటీవల కాలంలో మనదేశం కరుడుగట్టిన ఉగ్రవాదులను .. ఉరితీసిన విషయం తెలిసిందే.. కసబ్... అప్జల్ గురు ను .. మన న్యాయస్థానం వాళ్లను ఉరితీసి, చట్టం విలువలను కాపాడింది. అయితే ఈ చర్యపై పాకిస్థాన్ గుర్రుగా ఉన్నట్లు రాజకీయ విశ్లేషకులు అంటున్నారు. ఈ రెండు సంఘటనలపై పాకిస్థాన్ భారతపై పగ పెంచుకుంది. అవకాశం కోసం ఎదురుచూస్తున్న నక్కలా ఉన్న పాకిస్థాన్ కుట్ర కు సరబ్ జిత్ బలైనట్లు రాజకీయ విశ్లేషకులు అంటున్నారు. సరబ్ జిత్ కు సరైన వైద్యం అందించకుండా .. తమలో ఉన్న పగను కసితీరా పగ తీర్చుకుందని భారతీయ మేథావులు అంటున్నారు.