దీపమున్నప్పుడే ఇల్లూ..

Posted: 04/21/2013 10:16 AM IST

మళ్ళీ ఊపందుకున్న ఇలియానా.  ఇంకేంటి తెలుగు సినిమారంగంలో డేరా వేసినట్లే అనుకుని హైద్రాబాద్ లో స్థిర నివాసం ఏర్పరచుకునే ప్రయత్నంలో ఇక్కడో ఆధునిక వస్త్రాలయం, సొంత ఇల్లు తీసుకున్న ఇలియానా ఆ తర్వాత అవకాశాలు లేక దిగాలుపడి వున్న సందర్భంలో తమిళంలో త్రి ఇడియట్స్ రిమేక్ లో దర్శకుడు శంకర్ ఆదరించారు.  శంకర్ లాంటి డైరెక్టర్ చేతిలో పడ్డాక ఇంకేముంది అనుకుంటే అదీ తుస్సు మంది.  హిందీలో అవకాశం దొరికింది, బర్ఫీతో అక్కడ బరిలోకి దిగొచ్చు అనుకుంటే అందులో క్రెడిటంతా ప్రియాంకా చోప్డా కొట్టేసింది.  కానీ అది మంచిదే అయింది.  పోవటం పోవటం అలాంటి పాత్రతో పరిచయమవుతే గ్లామర్ కాస్తా గోవిందకొట్టేది.  అయితే ఆ తర్వాత ఎటువంటి పాత్రనీ ఆ సినిమా వలన ఇలియానా పొందలేకపోయింది. 

మళ్ళీ ఆక్సిజన్ అందుకోవటానికి డైరెక్టర్ క్రిష్ దొరికాడు.  క్రిష్ దర్శకత్వంలో రూపొందుతున్న తెలుగు ఠాగూర్ హిందీ రూపాంతరం గబ్బర్ చిత్రంలో అక్షయ్ ఖన్నా సరసన చిందులేసే అవకాశం దొరికింది దర్శకుడి పుణ్యమాంటూ.  అది సంపాదించటానికి  ఏం చేసావని అడిగితే చెప్పటం లేదు కానీ, తెలుగులో పెద్ద నటుల సరసన చెయ్యటానికి అంగీకరించక అవకాశాలు పోగొట్టుకున్న ఇలియానా ఆ తప్పు మళ్ళీ చెయ్యనని నిర్ణయించుకున్నట్టుగా కనిపిస్తోంది.  ఎందుకంటే, దీపముండగానే  చక్కదిద్దుకోవాలి  ఇల్లూ, అని ఇలియానాకి ఏ దర్శకుడో సలహా ఇచ్చాడట.  ఉచిత సలహాయేమీ కాదులెండి అంటూ గుసగుసలాడుతున్నారు  ఫిల్మ్ నగర్లో ని వాళ్ళు. 

-శ్రీజ