Posted: 03/20/2013 05:06 PM IST

హాట్ హీరోయిన్  అందం గురించి మాట్లాడితే  అందరు వింటారు.  అదే హాట్ హీరోయిన్  ఆరోగ్యం గురించి మాట్లాడితే ఎలా ఉంటుందో ఊహించుకోండి?  తన అందంతో పాటు  ఆరోగ్యాన్ని కూడా  కాపాడుకుంటూ వస్తున్న బాలీవుడ్   సుందరి  ఉదితా గోస్వామి  తన అందర సౌందర్య రహస్యం గురించి చెబుతుంది. ఫిట్‌నెస్‌గా ఉండటం శరీరానికి చాలా అవసరం. అది మన మనసునూ ప్రభావితంచేస్తుంది. మన ఆత్మవిశ్వాసాన్ని ఇనుమడిస్తుంది. అందుకే బాడీ ఫిట్‌నెస్‌ను కాపాడుకోవడం ఎంతైనా అవసరం అంటోంది బాలీవుడ్‌ తార ఉదితా గోస్వామి. అంతేకాదు, తానంత ఫిట్‌గా ఉండటం వెనుక రహస్యాలనుసైతం వెల్లడిస్తోంది. ''మన శరీరానికి అన్నిరకాల పోషకాలు సమతూకంగా అందాలి. అప్పుడే మన శరీరం సమర్థవంతంగా పనిచేయగలదు. ప్రోటీన్లు, విటమిన్లు, కార్బొహైడ్రేట్లు అన్నీ శరీరానికి అందాలి. అందుకే, మనం అన్నిరకాల ఆహారం తీసుకోవాలి. అలాగని, దొరికినవన్నీ అధికంగా తినేయడం సబబు కాదు'' అంటోంది.

 కల్‌యుగ్‌ దర్శకుడు మోహిత్‌ సూరిని వివాహం చేసుకున్న ఉదిత 'జీరో' సైజును నమ్మదు. 'ఆరోగ్యం చాలా ముఖ్యం. అందంకోసం, జీరో సైజుకోసం పస్తులుండి అనారోగ్యాలపాలవకూడదు. ఇలాచేస్తే లాభాలకన్నా నష్టాలే ఎక్కువ. సైడ్‌ ఎఫెక్టులు వచ్చాయంటే, ఇక నయంచేసుకోలేక చావాలి. ఆ లోటు పూడ్చడానికి సంవత్సరాలు పడుతుంది' అంటూ జాగ్రత్తలు చెబుతోంది.