Posted: 09/26/2012 03:05 PM IST

వేదం సినిమాతో తెలుగు ప్రేక్షకులకు పరిచయమైన హీరోయిన్ దీక్షాసేథ్. వేదం తరువాత కొన్ని సినిమాలలో నటించినా తగిన గుర్తింపు మాత్రం తెచ్చుకోలేక పోయింది ఈ సుందరి. మిరపకాయ్ సినిమా తప్ప ఆమె నటించిన సినిమాలు ఆశించిన విజయాన్ని అందుకోలేక పోయాయి. మిరపకాయ్ హిట్టయినా ఆమెకు వచ్చిన గుర్తింపు ఏమీ లేదు. ఆమె నటించిన తాజా సినిమా ఊకొడతారా.. ఊల్కిపడతారా కూడా పరాజయం పాలైయింది. దీంతో ఫిల్మ్ నగర్ లో చాలామంది దీక్షాసేథ్ ను ఐరెన్ లెగ్ గా సంబోధిస్తున్నారు. కాగా, దీక్షాసేథ్ ప్రస్తుతం రెబల్ సినిమాలో నటిస్తోంది. ఈ నెల 28న విడుదల అవుతున్న రెబల్ సినిమాపై భారీ అంచనాలు ఉన్నాయి. అయితే, దీక్షాసేథ్ కు మాత్రం రెబల్ చిత్రంపై ఏలాంటి అంచనాలు లేవని ఆమె సన్నిహితులు అంటున్నారు. ఈ రెబల్ సినిమాలో మరొక హీరోయిన్ గా తమన్నా నటిస్తోంది. ప్రస్తుతం తమన్నా సూపర్ ఫామ్ లో ఉంది. ఈ రెబల్ ప్రచారంలో తమన్నానే చిత్ర యూనిట్ ఎక్కువగా ఉపయోగించుకుంటుంది. ఆడియో విడుదల వేడుకలో కూడా హీరో ప్రభాస్ తమన్నా గురించి గొప్పగా చెప్పాడు. అలాగే, ఈ సినిమాలో తమన్నా పాత్రపైనే దర్శకుడు లారెన్స్ ఎక్కువగా ఫోకస్ పెట్టినట్లు ఫిల్మ్ నగర్ వర్గాలు అంటున్నాయి. దీంతో దీక్షాసేథ్ రెబల్ సినిమాపై ఆశలు వదిలేసుకున్నట్లు ఆమె సన్నిహితులు చెబుతున్నారు. రెబల్ ఎంత పెద్ద హిట్టయినా తనకు మిగిలేదమీ ఉండదని దీక్షసేథ్ భావిస్తుందని ఆమె సన్నిహితులు అంటున్నారు.