Posted: 09/13/2012 05:53 PM IST

మెగాస్టార్ చిరంజీవి కి నాలుగో తమ్ముడు ఉన్నాడట?  అంటే పవర్ స్టార్ పవన్  కళ్యాణ్ తరువాత మరొక తమ్ముడు ఉన్నట్లు తెలుస్తోంది. అంటే మరోలా అర్థం చేసుకోండి?   ఆ తమ్ముడు టాలీవుడ్ లో హీరో అని అంటున్నాడు. మెగాస్టార్ చిరంజీవే  స్వయంగా పవన్ కళ్యాణ్ కు ఆ తమ్ముడ్ని పరిచయం చేశాడట.  అతనే మన టాలీవుడ్ హీరో శ్రీకాంత్.  చిరంజీవి అంటే చాలా ఇష్టం  అని శ్రీకాంత్ అనేక సార్లు చెప్పటం జరిగింది.  అంతేకాకుండా మెగా ఫ్యామిలీ అంటేనే శ్రీకాంత్ కు చాలా అభిమానం ఉందని టాలీవుడ్  జనాలు చెప్పుకుంటారు. 

శ్రీకాంత్  మెగా స్టార్ చిరంజీవితో కలిసి సినిమాలు చేసిన సందర్బాలు ఉన్నాయి. అయితే  శ్రీకాంత్ హీరోగా నటించిన సినిమా దేవరాయ్  పాటల వేడుకలో  పవన్ కళ్యాణ్ తో కొత్త శోభ సంతరించుకుంది.  ఆడియో ఫంక్షన్ కు ముఖ్య అతిథిగా వెళ్లిన పవన్ కళ్యాణ్  శ్రీకాంత్  తనకు మంచి ఫ్రెండ్ , మా ఫ్యామిలీలో ఒక వ్యక్తి గా చెప్పటం జరిగింది. అంతేకాకుండా శ్రీకాంత్  మంచి నటుడే కాదు.. మంచి మనిషి  కూడా .. అన్నయ్యకి శ్రీకాంత్  అంటే చాలా ఇష్టమని పవన్ కళ్యాణ్ చెప్పటంతో.. శ్రీకాంత్ ఎంతో ఆనందానికి లోనైట్లు  తెలుస్తోంది.  మా ఇంట్లో ఏ వేడుక జరిగిన  శ్రీకాంత్ ఫ్యామిలీని తప్పకుండా ఆహ్వానిస్తామని  పవన్ చెప్పినట్లు తెలుస్తోంది. ఇంట్లో అందరు హడావుడి చేస్తుంటే  పవన్ కళ్యాన్  మాత్రం  తన పనదో తాను చూసుకొని  వెళ్లిపోయేవారట.   పవన్ చాలా నిరాడంబరంగా  ఉంటారు. 

తన సినిమాకి వేడుక చేస్తామన్నా ఒప్పుకోరు . అలాంటి పవన్ కళ్యాణ్ ను నేనడితే వస్తారా అని శ్రీకాంత్ అనుకున్నాడట. అయితే శ్రీకాంత్ అడిగిన వెంటనే  ఒప్పుకోవటం జరిగిందట.   ఒక మంచి  సినిమాకి  మేలు జరుగుతుందనే  ఉద్దేశంతో  పవన్ వచ్చినందకు చాలా ఆనందంగా ఉందని శ్రీకాంత్ అంటున్నాడు.  పవన్ కళ్యాణ్ చేతుల మీదగా పాటలు విడుదల కావడం సంతోషంగా ఉందని శ్రీకాంత్ చెబుతున్నాడు. దేవరాయ్ మంచి విజయం సాధించాలని పవన్ కోరుకున్నట్లు తెలుస్తోంది.