Posted: 09/01/2012 03:54 PM IST

పవర్ స్టార్ పవన్ కళ్యాణ్ జన్మదిన శుభాకాంక్షాలు.
సెప్టెంబర్ 2న పుట్టిన రోజు పండుగ జరుపుకుంటున్న పవన్ కళ్యాణ్ మరిన్ని విజయాలను సొంతం చేసుకొని తెలుగు సినిమా స్టామినాను, తెలుగు వాడి పవర్ ను దశదిశలా వ్యాపింపజేయాలని మనస్సూర్తిగా కోరుకుంటుంది ఆంద్రవిశేష్.
పవన్ అంటే
ప = పవిత్రమై మనసు కలిగిన వ్యక్తి
వ = వందకోట్ల భారతీయుల పవర్ లాంటి వ్యక్తి
న్ = ఉన్నతమైన ఆశయాలు ఉన్న నెంబర్ వన్ వ్యక్తి . అభిమానులకు నెంబర్ వన్ శక్తి.
పవన్ కళ్యాణ్ ప్రసిద్ధుడైన కొణిదెల కల్యాణ్ బాబు తెలుగు చిత్ర సీమలో మెగాస్టార్ గా వెలుగుతున్న చిరంజీవి సోదరుడు. కొణిదెల వెంకటరావు, అంజనా దేవిల మూడవ కుమారుడు కొణిదల కళ్యాణ్ బాబు. పవన్, సెప్టెంబరు 2, 1973న జన్మించాడు. పవన్, పరిశ్రమలోని తన అన్నయ్య చిరంజీవిని చూసి నటన పట్ల ఆసక్తి ని పెంచుకున్నాడు. 1996లో అక్కడ అమ్మాయి ఇక్కడ అబ్బాయి చిత్రం ద్వారా "కళ్యాణ బాబు"గా తెలుగు తెరకు పరిచయమయ్యాడు. పవన్ కు మార్షల్ ఆర్ట్స్ లో ప్రవేశం ఉంది.

తెలుగు చిత్ర రంగంలోని సమకాలీన కథానాయకులకు, పవన్ కళ్యాణ్ ఆలోచనా విధానాలకు చాలా వ్యత్యాసం కనిపిస్తుంది. ఈ విభిన్న ఆలోచనా ధోరణే పవన్ కళ్యాణ్ కి చిత్రసీమలో ప్రత్యేక స్థానాన్ని సంపాదించి పెట్టింది. అతి పిన్న వయసులోనే దర్శకత్వ బాధ్యతలు చేపట్టిన కథానాయకులలో పవన్ కళ్యాణ్ ఒకరు. తన చిత్రాలకి, చిరంజీవి నటించిన చాలా చిత్రాలకు పవన్ కళ్యాణ్ ఫైట్ లని రూపొందించారు. బద్రి చిత్రం లో మేరా దేశ్ హై ప్యారా ప్యారా తెలుగు, హిందీ మరియు ఆంగ్లముల కలయిక తో త్రిభాషా గీతంగా, ఖుషి లో యే మేరా జహాన్ గీతాన్ని పూర్తి నిడివి హిందీ గీతంగా రూపొందించారు. ఖుషి చిత్రంలో ఆడువారి మాటలకు అర్ధాలు వేరులే, జాని చిత్రంలో ఈ రేయి తీయనిది పాటలని రీ-మిక్స్ చేయించారు. ఖుషి లోని ద్వితీయార్థంలో జరిగే కార్నివాల్ ఫైట్ పవన్ కళ్యాణ్ ప్రతిభకు తార్కాణం. మార్షల్ ఆర్ట్స్ లో దిట్ట కావటంతో పవన్ కళ్యాణ్ చిత్రాలలో చాలా స్టంట్ లు నిజంగానే చేసినవే ఉంటాయి. అటువంటి స్టంట్ లను పవన్ చిత్రాల్లో ప్రత్యేకంగా స్లో మోషన్ లో చూపించటం జరుగుతుంది.

 పవర్ స్టార్ పవన్ కళ్యాణ్ స్టామినానే ఏమిటో.. ప్రపంచానికి తెలియజేశాడు గబ్బర్ సింగ్ . (పవన్) సింహం ఒక్క అడుగు వెనక్కు వేసిదంటే.. దాని అర్థం వంద అడుగులు ముందుకు దూకడానికే  రెఢి అయిందని నిరూపించాడు  పవన్.    పవన్ కళ్యాణ్ కు  బ్లాక్ బస్టర్  లేదని ఫీలయ్యే ప్రతి అభిమానికి  గబ్బర్ సింగ్  కురిపించిన కలెక్షన్  సునామీలో  తడిసి ముద్దవ్వల్సిందే.   పవన్ స్టార్  హిట్టు కొడితే  ఏ రేంజ్ లో  ఉంటుందో  అందరికి తెలిసిపోయింది.

తెలుగు వాడి ఫంచ్ దెబ్బ ఎలా ఉంటుందో  అన్నీ సినీ రంగాలకు రుచి చూపించిన గబ్బర్ సింగ్ , పవర్ స్టార్  పవన్ కళ్యాన్.  పసి వయసు నుంచే  పుడుతుంది ప్రతి ఒక్కరిలో పవర్ స్టార్ ను చూడాలని.  పెరుగుతున్న వయసు కొద్ది  ఆ పవరే ప్రాణం అవుతుంది అభిమానికి .  తొడలు కొట్టకపోయిన, మీసాలు తిప్పకపోయిన , పవన్ కళ్యాణ్ చూసే కంటి పవర్ కే టన్నుల కొద్ది అభిమానులు పుట్టుకోస్తారు.

 పవన్ కళ్యాణ్  హిట్  వస్తే  ఒక లాగా .. ప్లాపు వస్తే  మరోలా ఫీలయ్యే  మనస్తత్వం పవన్ కళ్యాణ్ ది కాదు.  అలాగాని ఒక్క హిట్టు రాగానే ఆర్భాటపు ప్రచారాపు చేసుకునే  తత్వం  కూడా కాదు ఆయనది.  వేరే హీరోతో పోటీ పడటం.. తర్వాత  చిత్రం వాళ్ల సినిమా కన్నా ఎక్కువ కలెక్షన్లు  కురిపించాలని  ఆశించడం ఇలాంటివేమీ అస్సలు పట్టించుకోరు పవన్ కళ్యాణ్ .  అందుకే ఆయన రూటే  సెపరేటు.  ఆయన ఎవరికి అర్థం కానీ వేగు చుక్క లాంటి వ్యక్తి.  ఆయన గుండెల్లో పేదవారికి ఏదో ఒకటి చేయాలనే తపన మాత్రం ఉంటుంది. 

వెయ్యి రూపాయలు దానం చేసి 10 టీవీ ఛానల్స్ ను పిలిచి లక్ష సార్లు చెప్పుకునే టైప్ కాదు.  తెలుగు సినీ రంగంలో  ఎంతో మంది  పవన్ కళ్యాణ్  ప్రత్యక్షంగానో పరోక్షంగానో  లభ్దిపొందేవుంటారు.  ఏ రోజు   పవన్ ఫలానా వారికి  సాయం చేశానని .. ఫలానా వ్యక్తికి  ఆర్థిక  లబ్ధి  చేకూర్చానని  గొప్పలు  చెప్పుకోరు.  ఆయనకు చిన్న పెద్ద తేడ లేదు .. పేద ధనిక అనేభేదం అస్సలు లేదు.  ఎలాంటి వారినైనా టాలెంట్  ఉన్నదంటే   టాలీవుడ్ లో మొదటిగా ప్రోత్సహించేంది  పవన్ కళ్యాణ్ ఒక్కడే.

ఈ మాట గుండె మీద చెయ్యివేసుకొని చాలా మంది చెబుతారు. ‘‘ ఆయన కు తిక్కుందని అంటారు.. కానీ ఆ తిక్కులో ..వందల మందిని బతికించే లెక్కుందని ఆయనకు మాత్రమే తెలుసు.. అదే పవన్ కిక్క్’’  అసలు పవర్ స్టార్  పవన్ కళ్యాణ్ ను అభిమానులు అంతగా ఎందుకు  ఆరాధిస్తారు?  తెలుసా?  ఆయన దగ్గర ఎక్కడ దొరకని  క్రమశిక్షణ,  మంచితనం, నిజాయితీ,  సేవాభావం ఉన్నాయి.  అందుకే ఆయనంటే  యూత్ కు ఒక ఐకాన్ గా  నిలిచిపోతాడు.  పవన్ లో ప్రత్యేక మైన గుణం  ఒక్కటి ఉంది. 

ఆయన మాటల్లో కాకా  చేతల్లో  చేసి చూపిస్తాడు.  ( నిర్మాతలను  శ్రేయస్సును  మనసులో  ఉంచుకోని  ముందుగా తన రెమ్యునరేషన్  కూడా తగ్గించుకుంటున్నట్లుగా  ప్రకటించి  మిగిలిన హీరోలందరికీ ఆదర్శంగా  నిలిచారు.  అంతేకాకుండా కష్టాల్లో ఉంటే  నిర్మాతలకు  ఆయన ఆదుకున్న  సందర్భాలు ఉన్నాయి.ఇటీవల  చేసిన తీన్ మార్  సినిమా  వలన నష్టపోయిన  నిర్మాత  బండ్ల గణేష్ ను ఆదుకున్న విషయం తెలిసిందే)   ఇవన్నీ మనకు తెలిసిన కోణమే.

కానీ ఆయన కు రెండో కోణంలో  ఆయన మంచి మనసు .. ..  సామాజిక  సేవద్రుక్పథం.. సాయం చేసి  ప్రతిఫలాన్ని ఆశించని తత్వం  ఇలాంటి అత్యున్యత లక్షణాలు  కలిగిన  ఏకైక రియల్ హీరో  పవర్ స్టార్ పవర్ కళ్యాణ్ మాత్రమే.  అందుకే  ఆయన అభిమానులు అంతా పవన్ ఫ్యాన్స్  అని చెప్పుకోవటానికి  గర్వంగా  ఫీలవుతుంటారు.