Posted: 08/18/2012 04:52 PM IST

ఇటీవల అధికారంలో వచ్చిన యువ ముఖ్యమంత్రి అఖిలేష్ యాదవ్.  తండ్రి వారసత్వం నుండి రాజకీయ పాఠాలు నేర్చుకొని .. తండ్రి ఆమోదంతో  ఉత్తరప్రదేశ్ కు ముఖ్మమంత్రి అయిన విషయం తెలిసిందే. అఖిలేష్  యాదవ్ యూపీలో గెలిసినప్పుడు  ఇక్కడ వైఎస్ జగన్మోహన్ రెడ్డి  పండగ చేసుకున్న విషయం తెలిసిందే.  అఖిలేష్ = జగన్ అని  ఆ పార్టీ కార్యకర్తలు  రంగులు పూసుకున్నారు. ఇప్పుడు  అఖిలేష్ యాదవ్  జగన్ పార్టీ పై ద్రుష్టి పెట్టినట్లు తెలుస్తోంది.  వైఎస్ జగన్‌మోహన్‌రెడ్డి సారథ్యంలోని వైఎస్సార్ కాంగ్రెస్ పార్టీ విజయావకాశాలు, ఆ పార్టీకి దక్కుతున్న విసృత ప్రజాదరణపై ఉత్తరప్రదేశ్ ముఖ్యమంత్రి అఖిలేష్ యాదవ్ ప్రత్యేకంగా ఆరా తీసినట్లు ఆపార్టీ నాయకులు  చెబుతున్నారు. మాజీ ఎంపీ యార్లగడ్డ లక్ష్మీప్రసాద్ లక్నోలో అఖిలేష్‌ని కలిసినట్లు మీడియా వర్గాలు అంటున్నాయి.

అయితే  రాష్ట్రంలో వైఎస్సార్ కాంగ్రెస్ పార్టీ ప్రభంజనం వీస్తోందని, వచ్చే ఎన్నికల్లో ఆ పార్టీ అధికారంలోకి రావడం తథ్యమని తనకు సమాచారం అందిందంటూ అఖిలేష్ ఈ సందర్భంగా చెప్పినట్లు  జగన్ పార్టీ నాయకులు చెప్పుకుంటున్నారు. ఇటీవల జరిగిన ఉప ఎన్నికలు, ఫలితాల గురించి ఎప్పటికప్పుడు తాను తెలుసుకున్నానని చెబుతూ ఇతర పార్టీల స్థితిగతులేమిటని అడిగినట్టు తెలుస్తోంది. యూజీసీ హిందీ భాషా అమలు కమిటీకి చైర్మన్‌గా వ్యవహరిస్తున్న యార్లగడ్డ లక్నోలోని బాబాసాహెబ్ అంబేద్కర్ కేంద్రీయ విశ్వవిద్యాలయంలో హిందీ అమలును పర్యవేక్షించడానికి వెళ్లినట్లు తెలుస్తోంది.   ఇక్కడ జగన్ జైల్లో ఉన్న విషయం అఖిలేష్ యాదవ్ కు తెలియాదా అని కాంగ్రెస్ నాయకులు జోకులు వేసుకుంటున్నారు.