Posted: 08/11/2012 04:03 PM IST

మెగా అభిమానులకు మరో బంఫర్ తగిలింది. త్వరలో రామ్ చరణ్ జిమ్ సెంటర్ పెట్టబోతున్నారట .  అపోలో హాస్పటిల్ వారి అల్లుడైన రామ్ చరణ్ ఆ హాస్పటిల్ కి గ్లామర్ అద్దుతున్నారు. హాస్పటిల్ ప్రాగణంలో తొమ్మిది కోట్ల వ్యయంతో ఓ జిమ్ ని నిర్మించారు. అక్కడికి వర్కవుట్ చేయటానికి టాలీవుడ్ హీరో,హీరోయిన్స్ వస్తారని అంచనా. అంటే అపోలో ఆవరణలో పేషెంట్స్ మాత్రమే కాక ఇకనుంచి సినిమా స్టార్స్ కూడా కనిపించనున్నారన్నమాట. ఈ జిమ్ చాలా ఆధునికంగా ఉండనుందని సమాచారం. తన భార్య ఉపాసన ఆధ్వర్యంలో దీన్ని రామ్ చరణ్ నడపనున్నారని తెలుస్తోంది. ప్రస్తుతం హైదరాబాద్ లో ఎవడు చిత్రం షూటింగ్ లో పాల్గొంటున్నారు.

మరో ప్రక్క ఈ సినిమా అనంతరం జంజీర్ రీమేక్ లో పాల్గొంటారు. అపూర్వ లఖియా దర్శకత్వంలో రూపొందుతున్న ఈ చిత్రంలో ప్రియాంక చోప్రా హీరోయిన్ గా చేస్తోంది. ప్రముఖ దర్శకుడు వివి వినాయిక్ సినిమాలోనూ చేస్తున్నారు. ఈ మూడు చిత్రాలూ మాస్ ని టార్గెట్ చేసినవే కావటం విశేషం. శ్రీవెంకటేశ్వర క్రియేషన్స్‌ బ్యానర్‌పై దిల్‌రాజు నిర్మిస్తోన్న ఈ సినిమాకి, వంశీ పైడిపల్లి దర్శకత్వం వహిస్తున్నారు. దేవిశ్రీప్రసాద్‌ బాణీలతో జోరుగా ముస్తాబవుతోన్న ఈ సినిమాకి, వచ్చే ఏడాది సంక్రాంతికి విడుదల చేయాలనే ఆలోచనలో వున్నారు. అల్లు అర్జున్‌ ఇందులో ఓ ప్రత్యేక పాత్రలో కనిపిస్తాడు. డైలాగ్ కింగ్ సాయికుమార్ ఈ చిత్రంలో రామ్ చరణ్ కి విలన్ గా మారారు.