Posted: 08/02/2012 03:42 PM IST

 దివంగత మహానేత వైఎస్ రాజశేఖరరెడ్డి ఫోటో గాంధీభవన్‌లో పెట్టకపోవడంపై కేవీపీ రామచంద్రరావు మాట్లాడడం కొంత బాధ, ఆశ్చర్యం కలిగించిందని వైఎస్‌ఆర్‌ కాంగ్రెస్‌ పార్టీ నేత, రాష్ట్ర మాజీ మంత్రి కొండా సురేఖ అంటున్నారు. వైఎస్‌ఆర్‌ కుటుంబాన్ని వేధించినప్పుడు కేవీపీ ఎందుకు స్పందించలేదని సురేఖ అడుగుతున్నట్లు తెలుస్తోంది. వైఎస్ విజయమ్మ ఒంటరిగా పోరాడుతుంటే కేవీపీ ఏనాడు పలకరించలేదని ఆయన కొండా మండి పడినట్లు పార్టీ వర్గాలు అంటున్నాయి . వైఎస్‌ను అవినీతి పరుడు అన్నప్పుడు కేవీపీ నోరు ఎందుకు మెదపలేదని ఆమె అంటున్నారు.రాజ్యసభ సభ్యుడు, ప్రభుత్వ మాజీ సలహాదారు కెవిపి రామచంద్రరావుకు రెండువైపులా తలపోటు ఎదురవుతోంది. ఒకవైపు కాంగ్రెస్ లో వి.హనుమంతరావు, మదుయాష్కి వంటి నేతలు కెవిపి ని విమర్శిస్తూ మాట్లాడుతుంటే, మరో వైపు వై.ఎస్.ఆర్.కాంగ్రెస్ నేతలు కూడా ఆయన పై విమర్శలు చేస్తుండడం విశేషం.

ఒకప్పుడు వై.ఎస్.రాజశేఖరరెడ్డిపైన, కెవిపి రామచంద్రరావుపైన ఎవరైనా విమర్శలు చేస్తే, వెంటనే కొందరు వారి మద్దతుదారులు తీవ్రంగా విమర్శిస్తూ ఎదురు దాడి చేసేవారు. కాని ఇప్పుడు ఆ పరిస్థితి లేదు. కెవిపికి ఇప్పటికీ మద్దతుదారులు గణనీయంగానే ఉన్నారు. కాని వారు బహిరంగంగా ప్రకటన చేయలేని పరిస్థితి ఏర్పడింది. వాస్తవ రాజకీయాలను అనుగుణంగా వ్యూహాత్మకంగా వ్యవహరించగల నేర్పు ఉన్న కెవిపి గాంధీ భవన్ లో కెవిపి ఫోటో గురించి ప్రస్తావించడం ద్వారా పెద్ద దుమారాన్నేలేపాటం జరిగిందని  కాంగ్రెస్ నాయకులు అంటున్నారు..