Posted: 07/21/2012 05:22 PM IST

ఒకరు మేస్త్రీ.. మరొకరు ముఠామేస్త్రీ..? ఒకతను టాప్  దర్శకుడు ... మరొకరు  టాప్ నెం.1 హీరో. ఈ ఇద్దరి కలియకలో  కొన్ని సినిమాలు కూడా వచ్చాయి. ఇద్దరు ఒక రంగనికి చెందిన వారు. ఒకే సామాజిక వర్గానికి చెందిన వారు. అయిన ఒకరంటే .. ఒకరికి ....చాలా ఇది? సినిమా రంగంలో చిరంజీవి, దాసరి ఒకే వర్గం వారయినా వారి మద్య అంతరం చాలా ఉంది. సినిమా రంగంలో ఇగో ఫీలింగ్‌ ఎక్కువే. దాసరి ఫంక్షన్‌కు వస్తే.. అక్కినేని రారు. అక్కినేని వస్తే దాసరి రారు. ఇది ఇండస్ట్రీకి తెలిసిన రహస్యమే. మరి అలాంటి కోవలో దాసరికి చిరంజీవి కూడా మారారు. ఇండస్ట్రీలో అందరూ మేస్త్రిగా పిలుపించుకునే దాసరి నారాయణరావు రాజకీయపరంగా కూడా ఒక వెలుగు వెలిగారు. సామాజిక న్యాయం అంటూ పార్టీ పెట్టి కాంగ్రెస్‌లో కలిసిపోయారు చిరంజీవి. సినీ పరిశ్రమలో జరిగే మంచిచెడ్డలను తనే స్వయంగా పరిష్కరించే దాసరికి చిరంజీవి విషయం మింగుడు పడటంలేదట.

అన్ని ఫంక్షన్లకు హాజరయ్యే దాసరి మాత్రం రామ్‌ చరణ్‌ పెండ్లి ఫంక్షన్‌లో కానీ, రిసెప్షన్‌లో కానీ ఎక్కడా కన్పించలేదు. చాలామంది దాసరి ఎందుకు రాలేదని చర్చించుకున్నారు. దానికి ఒక ప్రధాన కారణం చిరంజీవి దంపతులు నేరుగా వెళ్ళి దాసరికి ఆహ్వానపత్రిక ఇవ్వకపోవడమేనట. తనకంటూ ఇండస్ట్రీలో ప్రత్యేకతను పొందిన దాసరి వంటి వ్యక్తి ఇంటికి వెళ్లి ఇవ్వకపోవడం చాలా అవమానకరమని ఆయన సన్నిహితులు వ్యాఖ్యానించారట. ఎవరో ఓ దూత చేత ఇన్విటేషన్‌ పంపారట చిరు.ఒకే సామాజిక వర్గానికి చెందినవారు కావడంతో ఇద్దరిలో ఇగో ఫీలింగ్‌ ఎక్కువగా ఉందని అంటున్నారు. అయినా ఎప్పుడో జరిగిన పెండ్లికి ఇప్పుడు మేళాలేంటి అనే అనుమానం వచ్చిందా? కరెక్టే... ఇటీవలే ఓ ప్రముఖుని ఇంటిలో ఫంక్షన్‌కు ఇద్దరూ హాజరయినా. పలుకరించుకోకపోవడం ఆశ్చర్యం కల్గించింది. దాంతో దాసరి అభిమానులు జరిపిన చర్చల్లో మళ్లీ పాతకథ రిపీట్‌ అయింది. దాసరి అభిమానుల సంగతి ఇలావుంటే చిరువర్గం మాత్రం పెళ్లంటే సామాన్యం కాదనీ, ఆ సమయంలో అందర్నీ బొట్టుపెట్టి పిలవడం సాధ్యం కాదనీ, విశాలమైన హృదయం ఉంటే ఆయన వచ్చి ఉండేవారనీ, లోపల వేరే రకమైన భావాలున్నప్పుడు ఎలా వస్తారంటూ మెటికలు విరుస్తున్నారట. అదీ సంగతి.