Posted: 07/20/2012 04:23 PM IST

అందరు నెంబర్ -1 స్థానం కోసం  ప్రయాత్నిస్తుంటారు. కానీ ఈ నాయకుడు మాత్రం నెంబర్-1 ఎలాగు రాదని తెలుసుకోని .. నెంబర్-2 స్థానం కోసం ప్రయాత్నలు చేయటం మొదలుపెట్టారు. అయితే చివరకు ఆ నెంబర్-2 స్థానం కూడా  దక్కదని తెలిపోవటంతో.. తన పవర్ మీద అలక చూపించాడు ఈ నాయకుడు.  ప్రభుత్వంలో నెంబర్-2 స్థానం దక్కకపోవడంతో ఎన్సీపీ అధ్యక్షుడు శరద్‌పవార్ అలక వహించారు. రాష్ట్రపతి అభ్యర్థిగా వెళ్లిపోయిన ప్రణబ్‌దా సీటు తనకు దక్కలేదని అసంతృప్తితో మండి పడుతున్నారు.పవార్‌ను మూడో స్థానానికి పరిమితం చేయడంతో ఈ వివాదం ముదిరింది. ఈ క్రమంలోనే  ప్రధాని మన్మోహన్‌సింగ్ అధ్యక్షతన జరిగిన కేంద్ర కేబినెట్ సమావేశానికి ఆ పార్టీ మంత్రులు గైర్హాజరయ్యారు.ఎనిమిదేళ్లలో తమ పార్టీ మంత్రులు కేబినెట్ మీటింగ్‌కు ఇప్పుడే వెళ్లలేదని ఎన్సీపీ అధికార ప్రతినిధి డీపీ త్రిపాఠి మీడియాతో పేర్కొన్నారు.మీడియా కథనాలపై స్పందిస్తూనుక పవార్ ఎన్నడూ ఏ స్థానాన్ని ఆశించలేదని, గైర్హాజరీ వెఅంతకన్నా పెద్ద అంశాలే ఉన్నాయని ఆయన వ్యాఖ్యానించారు. కేబినెట్ భేటీకి ఎన్సీపీ మంత్రులు దూరంగా ఉండటం ఇది రెండోసారి. రాష్ట్రపతి ఎన్నికల్లో పోటీ కోసం ప్రణబ్‌ముఖర్జీ ప్రభుత్వాన్ని వీడటంతో రెండో స్థానం ఎవరిదన్న మీమాంస నెలకొంది.గత కేబినెట్ భేటీలో ప్రధాని పక్క సీటును రక్షణమంత్రి ఏకే ఆంటోనీకి, మూడో సీటును శరద్‌పవార్‌కు కేటాయించడంతో వివాదం రాజుకుంది. ఈ నిర్ణయంతో నెంబర్-2 స్థానాన్ని ఆశిస్తున్న పవార్ తీవ్ర మనస్థాపం చెందారు.

ప్రణబ్ వైదొలగిన తర్వాత జరిగిన తొలి కేబినెట్ భేటీలో ప్రధాని పక్కన పవారే కూర్చున్నారు. ఇప్పుడు ఆ స్థానాన్ని కాంగ్రెస్ లాగేసుకున్నట్లయింది. పైగా ప్రధాని కార్యాలయం వెబ్‌సైట్‌లో పవార్‌ను నెంబర్-2గా చూపుతున్నట్లుగా ఉన్న మంత్రుల జాబితాను కూడా తొలగించారు. దీంతో తీవ్ర ఆగ్ర హం చెందిన పవార్ తీవ్ర అసంతృప్తి చెంది, తనను అవమానించినట్లుగా భావిస్తున్నారు.ఉపరాష్ట్రపతి అభ్యర్థి ఎంపిక కోసం ఇటీవల జరిగిన యూపీఏ భేటీకి కూడా ఎన్సీపీ హాజరుకాలేదు. తాజాగా కేబినెట్ భేటీకి కూడా దూరంగా ఉండటంతో పరిస్థితి సీరియస్‌గా మారింది. ఈ అంశంపై కాంగ్రెస్‌పై ఒత్తిడి పెంచేందుకు ఎన్సీపీ మంత్రులు రాజీనామాకు కూడా సిద్ధపడినట్లు ఆ పార్టీ వర్గాలు తెలిపాయి. ఆయితే దీనిపై వ్యాఖ్యానించడానికి పవార్ నిరాకరించారు.అయితే పవార్ యుపిఎతో రాజీపడతారా? లేక బయటకు వెళతారా అనేది అప్పుడే తేలదు. ఎందుకంటే ఆయన అన్ని పరిస్థితులను బెరీజు వేసుకుని కాని ఒక నిర్ణయానికి రారు.కాకపోతే పవార్ అలకతో యుపిఎలో అలజడి ఏర్పడుతుంది.ఒక వేళ యుపిఎని ఆయన ముంచదలిచినా సమయం చూసి దెబ్బకొట్టే తత్వం ఆయనది. అందువల్ల ఈ పరిణామాలు ఎటువైపు దారి తీస్తాయో చూడాలి.