Posted: 07/17/2012 04:16 PM IST

ప్రత్యేక తెలంగాణ కోసం పోరాడే వారిలో  నిజామాబాద్ ఎంపి మధుయాష్కి ఒకరు.  ఆయన తనదైన శైలిలో తెలంగాణ కోసం పోరాటం చేస్తున్నాడు. కాంగ్రెస్ ఎంపి గా ఉంటునే.. తెలంగాణ ఉద్యమాలలో పాలుపంచుకోవడటం జరిగింది. అయితే తెలంగాణ రాష్ట్ర సమితి  నాయకులకు , మధుయాష్కి మద్య   ఉద్యమ పోరు మంటలు మండుచున్నాయి.  ఒకరి మీద ఒకరు  మాటల యుద్దం చేసుకోవటం మనకు తెలిసిందే. అయితే ఈసారి ఎంపి మధుయాష్కి వాదన చిత్రంగా ఉందని టీఆర్ ఎస్ నాయకులు అంటున్నారు. ఉద్యమాలు చేస్తేనే తెలంగాణ వస్తుందని ఆయనం చెప్పటం తప్పు లేదు  కాని, ఈజిప్టు రాజధాని కైరో నగరానికి లక్షల సంఖ్యలో జనం తరలివచ్చి నియంతృత్వానికి నిరసన చెప్పి ఆందోళన చేసిన రీతిలోనే హైదరాబాద్ నగరానికి జనం తరలివచ్చి ఉద్యమం నడపాలని, అప్పుడే కాంగ్రెస్ అధిష్టానం తెలంగాణపై కదులుతుందని యాష్కి అనటంతో .. కొంతమంది తెలంగాణ నాయకులు మండిపడుతున్నారు. మధు యాష్కి లాంటి వారు తమ పదవులను వదలుకుని అలా జనాన్ని తరలించే పనిచేయవచ్చు కదా అని తెలంగాణ నాయకులు అంటున్నారు. కానీ మధుయాష్కి  మాత్రం పదవులలలో ఉండాలి,  జనం మాత్రం ఉద్యమాలతో అల్లాడిపోవాలా? అని తెలంగాణ నాయకులు  ఎంపి మధుయాష్కి పై మండిపడుతున్నారని  మీడియా వర్గాలు అంటున్నాయి.

అంతేకాకుండా  అధికార పార్టీ వ్యక్తి అయి ఉండి ఇలా మాట్లాడటం ఏం బాగలేదని తెలంగాణ ప్రజలు అంటున్నారు. ప్రజలు వీరు చెప్పే మాటలను ఎలా నమ్మాలని  ఉద్యమాకారులు అడుగుతున్నారు.   కాంగ్రెస్ నేతల ద్వంద్వ వైఖరికి ఇది నిదర్శనమని టీఆర్ఎస్ నాయకులు అంటున్నారు. మధు అయితే అసలు  కెసిఆర్ కు ఎవరు చెప్పారో తెలియదు కాని, తమకు అయితే తెలంగాణ వస్తుందన్న సమాచారం లేదని మధుయాష్కి  చెబుతున్నాడని  మీడియా వర్గాలు అంటున్నాయి. కిరణ్ ను కొనసాగించే ఆలోచనలో హై కమాండ్ ఉందని కూడా ఆయన చెబుతున్నారు.  కిరణ్ ను కొనసాగించాలా? వద్దా అన్నది చెప్పకుండా ఈయన జాగ్రత్తగా మాట్లాడారని తెలంగాణ నాయకులు అంటున్నారు. తెలంగాణ డిమాండ్ తప్పు కాదు. కాని ఆ పేరుతో ఓట్ల రాజకీయం కోసం జనాన్ని రెచ్చగొట్టకుండా ప్రజలకు ఉపయోగపడేలా గౌరవం సంపాదించుకోవాలని  తెలంగాణ ప్రజలు కోరుకుంటున్నారు.