Posted: 07/13/2012 04:33 PM IST

రచ్చ సినిమా 38 కేంద్రాల్లో శత దినోత్సవం జరుపుకుందని దర్శక నిర్మాతలు ప్రకటించారు. ఎన్‌.వి.ప్రసాద్‌, పరాస్‌జైన్‌ సంయుక్తంగా నిర్మించిన చిత్రం ‘రచ్చ’ శుక్రవారంతో వంద రోజులు పూర్తిచేసుకుంది. సినిమా పరిశ్రమలో హీరోలంతా బాబులకిందే లెక్క. మెగా ఫ్యామిలీ హీరో రామ్‌ చరణ్‌ నటించిన సినిమా 'రచ్చ'. సూపర్‌గుడ్‌ ఫిలింస్‌ ప్రై.లిమిటెడ్‌పై ఎన్‌విఎస్‌ఎన్‌. ప్రసాద్‌ నిర్మించారు. ఈ చిత్రం రేపటికి అంటే 13వ తేదీకి 100 రోజులు పూర్తిచేసుకంటుంది. ఈ సందర్భంగా తమ ఆనందాన్ని చిత్ర యూనిట్‌ మీడియాతో పంచుకుంది. తమ యూనిట్‌ అంతా చాలా కష్టపడ్డారనీ, మూడు రాత్రులు పరుచూరి బ్రదర్స్‌ నిద్ర లేకుండా కొన్నిమార్పులు చేశారనీ, అవన్నీ సినిమాకు హిట్‌ను తెచ్చిపెట్టాయని నిర్మాత చెప్పారు.

ఇక మామూలుగానే పరుచూరి బ్రదర్స్‌... తమ సత్తాను చాటుకున్నారు.   తెలుగులోనే కాకుండా, తమిళనాడు, కేరళలో కూడా విడుదలై మంచి విజయం సాధించిందీ చిత్రం. దక్షిణాది అంతా ఈ చిత్రాన్ని విడుదలచేశాం. మన మార్కెట్‌ను పెంచుకోవాలనే ఉద్దేశంతో తమిళనాడు, కేరళ, కర్ణాటకలో ఎక్కువ థియేటర్లలో విడుదల చేసి విజయం సాధించాం. చిరంజీవి అభిమానుల్ని అలరించేలా చిత్రాన్ని తీర్చిదిద్దారు సంపత్ నంది. చరణ్‌ మరిన్ని విజయాలు అందుకోవాలన్నదే మా కోరిక. ఈ బేనర్‌లో సింహరాశి నుంచి రచ్చ వరకు మేం స్క్రిప్ట్‌లో చెప్పిన మార్పులను స్వీకరించారు. దాంతో అది ప్రేక్షకులకు నచ్చిందని అన్నారు. ఎగ్జిక్యూటివ్‌ నిర్మాత వాకాడ అప్పారావు మాట్లాడుతూ.. సక్సెస్‌ చేసిన అభిమానులకు, ముఖ్యంగా చిరంజీవికి ప్రత్యేక ధన్యవాదాలు తెలిపారు. సినిమాను ఏదోవిధంగా హిట్‌ చేయాలని చిరంజీవి ప్రతిరోజూ మాకు తగు సలహాలు సూచనలు ఇచ్చేవారని అన్నారు.ఇంతకీ వంద రోజుల వేడుక ఎక్కడ చేస్తున్నారని ప్రశ్నిస్తే... ''బాబు ఊళ్ళో లేడు. వచ్చాక అడిగి ఎక్కడ చేయాలో నిర్ణయిస్తాం'' అన్నారు. వెంటనే పరుచూరి బ్రదర్స్‌ కలగజేసుకుని... ఆడియో నాడే.. కర్నూలులో వేడుక చేస్తామని వారికి మాటిచ్చామనీ, మాట తిప్పని వంశం మాది కనుక అక్కడే జరిగేలా ఏర్పాటుచేస్తామని అన్నారు. ఇంతకీ ఎన్ని సెంటర్లలో 100 రోజులు అంటే... 38 సెంటర్లంటూ చెబుతున్నారు.