Posted: 07/09/2012 03:43 PM IST

      ఛీ..ఛీ.. మన సాంప్రదాయం ఇలా మంటగలుస్తుందన్న మాట అన్నట్టు వ్యవహరిస్తోంది నేటి ఆధునిక యువత. వీరు వెలగబెట్టే వ్యవహారాల్లో తనమానికం అన్నట్టు రేవ్ పార్టీల పేరుతో కొత్త తంతు. ఓపక్క హోరెత్తించే సంగీతం, తలకెక్కిన నిషా, చిట్టిపొట్టి డ్రస్సులతో ఊగిపోతూ డ్యాన్సులు. ఇవీ... పబ్బులపై పోలీసులు చేస్తున్న దాడుల్లో కనిపిస్తున్న దృశ్యాలు. రాత్రి 11 గంటలకు నిబంధనల ప్రకారం పార్టీలకు బ్రేక్ పడాల్సి ఉండగా ఈ పార్టీలో మాత్రం రాత్రి 12 గంటలకు ప్రారంభమవుతున్నాయి. తెల్లవార్లు జరుగుతున్న పార్టీలు వెర్రితలలు వేయడంతో పోలీసులు వీటిపై దృష్టి సారించారు. పెద్ద సంఖ్యలో బడాబాబుల పిల్లలు, సాఫ్టవేర్ ఇంజనీర్లు, డిజైనర్లు ఇతర ప్రొఫెషనల్స్ జరుపుకుంటున్న పార్టీల్లో మద్యం ఏరులై పారుతోంది. ఆడమగా తేడా లేకుండా మధ్యం మత్తులో ఊగిపోతున్నారు. నిన్న బంజాహిల్స్ లోని ఒక పబ్ పై పోలీసులు దాడిచేయడా అక్కడ మధ్యం తలకెక్కిన వారు పోలీసులపైకే దూసుకుని వచ్చారు. అమ్మాయిలైతే మరీ రెచ్చిపోయి ఇష్టం వచ్చినట్టు పోలీసులను దూషించారు. వారు వాడిన పదజాలం విని పోలీసులకు సైతం దిమ్మతిరిగింది. దీనితో వారు తమదైన శైలిలో వ్యవహరించి వారిని పోలీస్ స్టేషన్ కు తరలించారు. ఇక అక్కడ వారు చేసిన వీరంగాలు అంతా ఇంతా కాదు. నిషా దిగిన తరువాత కానీ వారికి తత్వం బోధపడలేదు. పెద్ద సంఖ్యలో చేరుకున్న మీడియాను తప్పించుకునేందుకు ఆడపిల్లలు పడిన పాట్లు అన్నీ ఇన్నీ కావు. బిగువైన వస్త్రాలతో, సన్నని హై హిల్స్ తో మీడియాను తప్పించుకునేందుకు పరుగులు పెట్టిన కొంతమంది కింద పడ్డారు. అర్థరాత్రిళ్లు జరుగుతున్న పార్టీలపై కఠిన చర్యలు తీసుకుంటామని పోలీసులు చెప్తున్నారు.

....avnk