Posted: 07/07/2012 03:19 PM IST

చిరంజీవితో కలిసి  విజయం సాధించిన అనుభవంతో  మళ్లీ తెరపైకి వస్తున్నట్లు తెస్తుంది.  ఇంద్ర, శంకర్ దాదా ఎం.బి.బి.ఎస్,లాంటి సినిమాలతో  టాలీవుడ్ లో  మంచి పేరు సంపాదించుకున్న హీరోయిన్  తన సెకండ్ ఇన్నింగ్స్ కు రెఢి గా ఉన్నట్లు తెలుస్తోంది. ఔను.. మీరు విన్నది నిజమేఅంటున్నారు సొనాలీ బెంద్రే. ఆమె చెబుతున్నది త్వరలో తను చేయబోయే చిత్రం గురించి. దాదాపు ఎనిమిదేళ్ల తర్వాత ఆమె సెకండ్ ఇన్నింగ్స్ ఆరంభిస్తున్నారు. 2002లో బాలీవుడ్ దర్శక, నిర్మాత గోల్డీ బెహల్‌ని వివాహం చేసుకున్నారు సొనాలీ.. ఆ తర్వాత ఏడెనిమిది చిత్రాల్లో నటించారు. 2004 తర్వాత ఆమె తెరపై కనిపించలేదు. దానికి కారణం ఆమె తల్లి కావడమే. సినిమాలకు ఫుల్‌స్టాప్ పెట్టిన ఏడాదికి ఆమె ఒక కొడుకుకి జన్మనిచ్చారు.

ఆ తర్వాత సొనాలీ రీ-ఎంట్రీ గురించి అడపా దడపా వార్తలు వచ్చాయి. అయితే వెండితెరకు రాలేదు... బుల్లితెరకు ఓ షోకి వ్యాఖ్యాతగా వ్యవహరించారామె. ఇక, వచ్చే ఏడాది వెండితెరపై కనిపించబోతున్నారు. ‘ఒన్స్ అపాన్ ఎ టైమ్ ఇన్ ముంబయ్’కి సీక్వెల్‌గా ఏక్తాకపూర్ నిర్మించడానికి సన్నాహాలు చేస్తున్న ‘ఒన్స్ అపాన్ ఎ టైమ్ అగైన్’లో కీలక పాత్ర చేయడానికి సొనాలీ అంగీకరించారు. అక్షయ్‌కుమార్, సొనాక్షిసిన్హా, ఇమ్రాన్‌ఖాన్ కాంబినేషన్‌లో మిలన్ లూధ్రియా దర్శకత్వంలో ఈ చిత్రం రూపొందనుంది. తన తల్లి శోభాకపూర్‌తో కలిసి ఏక్తాకపూర్ ఈ చిత్రాన్ని నిర్మించనున్నారు.ఆగస్ట్‌లో ఈ చిత్రం షూటింగ్ ఆరంభించి, వచ్చే ఏడాది విడుదల చేయాలనుకుంటున్నారు. ఈ చిత్రం గురించి సొనాలీ చెబుతూ - ‘‘ఈ సినిమాలో నేను గొప్ప పాత్ర చేయబోతున్నారు. శోభా ఆంటీ కుటుంబానికి నా భర్త గోల్డీ ఆప్తమిత్రుడు. ఈ చిత్రం ఒప్పుకోవడానికి అది కూడా ఒక కారణం. ఏక్తాకపూర్ ‘క్రియేటివ్ జీనియస్’. మంచి కథలు ఎన్నుకుంటుంది. తన జడ్జ్‌మెంట్ మీద నాకు నమ్మకం ఉంది. అలాగే ఈ చిత్రదర్శకుడు మిలన్ ల్రూథియా దర్శకత్వంలో ‘చోరీ చోరీ’ అనే సినిమా చేశాను. అందుకని ఈ టీమ్‌తో నాకు ప్రత్యేకమైన అనుబంధం ఉంది. మళ్లీ సినిమాల్లోకి రావడం నా పుట్టింటికి వచ్చినట్లుగా అనిపిస్తోంది’’ అని చెప్పారు.