Posted: 06/28/2012 06:15 PM IST

రాష్ట్రంలో  కిరణ్ కుమార్ రెడ్డి ముఖ్యమంత్రి అయిన దగ్గర నుండి  జేసి దివారెడ్డి విచిత్రమై వివాదాలు చెయ్యటం ఆయనకు అలవాటుగా మారింది.  తన వివాదాలతో ఒక్కొక్క సారి .. పార్టీ కి నష్టం  జరిగే విధంగా ఉండేవి.   జేసి రాష్ట్ర ముఖ్యమంత్రి పైనే విమర్శలు చెయ్యటంతో మీడియా ఫిగర్ గా మారిపోయాడు  జేసి.  తనదైన శైలిలో.. కిరణ్ కుమార్  రెడ్డి ప్రవేశ పెట్టిన పథకాల పై కామెంట్ చెయ్యటం మొదలుపెట్టాడు.  జేసి ఉప ఎన్నికల్లో కూడా  పెద్ద ప్రచారం చేసింది  ఏమీ లేదు. కానీ ఉప ఎన్నికల  రిపోర్టు  ఇవ్వటానికి  ఢిల్లీకి వెళ్లి సోనియాగాంధీని  కలిసినట్లు మీడియా వర్గాలు అంటున్నాయి .

 మేడమ్ సోనియా మాటంటే కాంగ్రెస్ నేతలకు వేద వాక్కు! ఆమె ఎంత చెబితే అంతే! మరి... సోనియా మాటను వరుణుడు కూడా వింటాడా!? కురవమంటే 'ఐతే ఓకే' అని కురుస్తాడా? మాజీ మంత్రి, కాంగ్రెస్ సీనియర్ నేత జేసీ దివాకర్ రెడ్డి మాత్రం 'ఔను' కురుస్తాడనే అంటున్నారు.ఢిల్లీలో సోనియాతో భేటీ అనంతరం ఆయన. సరదాగానో, సీరియస్‌గానో ఓ సంగతి చెప్పారట. "రాష్ట్రంలో వర్షాలు కురవడంలేదు. నీళ్లు కావాలని సోనియాను అడగటంతో  సోనియాగాంధీ  తప్పకుండా వర్షం కురిపిస్తానని ఆమె హామీ ఇచ్చినట్లు జేసి మీడియా వర్గాలతో చెబుతున్నారు. సోనియా  వర్షాలు కురిపిస్తారు అని జేసి  విశ్వాసం వ్యక్తం చేసినట్లు  ఢిల్లీ నాయకులు అంటున్నారు. వర్షాలు కురిపిస్తానని సోనియా హామీ ఇవ్వడమేమిటో! ఆమె వర్షాలు కురిపించగలరని జేసీ విశ్వాసం వ్యక్తం చేయడమేమిటో! ఎవ్వరికి అర్థం కాలేదని  కాంగ్రెస్ నాయకులు అనుకుంటున్నారు.  కొంత మంది మాత్రం జేసి మాటలకు అర్థాలు వేరులే అని కాంగ్రెస్ నాయకులు అంటున్నారు.