Posted: 06/20/2012 06:56 PM IST

టాలీవుడ్ లో బాలీవుడ్ లో పెళ్లి  గంటలు మొగుతున్నాయి . మొన్న టాలీవుడ్  మెగా స్టార్ తనయుడు రామ్ చరణ్  వివాహం జరిగిన విషయం తెలిసిందే.  ఇప్పుడు అదే రీతిలో  బాలీవుడ్  లో ఒక హీరోయిన్ కూతురు పెళ్లి జరగబోతుంది. ఆమె ఎవరో కాదు హేమమాలిని కూతురు ఇషా డియాల్ పెళ్లి  త్వరలో జరగబోతుంది. ఇషాడియోల్ పెళ్లి దక్షణాది పద్దతిలో జరుగుతుందని  బాలీవుడ్ వాసులు అంటున్నారు.  ఇషాడియోల్ తండ్రి ధర్మేంద్ర  పంజాబీ కావటం , తల్లి  హేమమాలిని తమిళియన్ కావటంతో.. ఇషా పెళ్లి పై  బాలీవుడ్ లో రకరకాలుగా అనుకుంటున్నారు.  అంటే పంజాబీ పద్దతిలో చేస్తారా? లేక  సౌత్ ఇండియన్ పద్దతిలో చేస్తారా అనే ప్రశ్నలు  బాలీవుడ్ వర్గాలు మధ్య తిరుగుతున్నాయి .ఈ నెల 29న వ్యాపారవేత్త భరత్ తక్తానీతో ఆమె వివాహం జరగనుంది. భరత్ చాలా మంచి వ్యక్తి అని, అతని కుటుంబ సభ్యులు కూడా తనతో చాలా ప్రేమగా ఉంటారని ఇషా అన్నారు. ఈ ఏడాది ఫిబ్రవరి 12న భరత్, ఇషాల నిశ్చితార్థం జరిగింది. ఏప్రిల్‌లో భరత్ సోదరి వివాహం జరిగింది. ఈ వివాహ వేడుకల్లో ఇషా కూడా పాల్గొన్నారు.

ఆ సమయంలోనే భరత్ కుటుంబంతో క్లోజ్‌గా మూవ్ అయ్యే అవకాశం చిక్కిందని ఆమె తెలిపారు. ఇషా తండ్రి ధర్మేంద్ర పంజాబీ. తల్లి హేమమాలిని తమిళ్ అయ్యంగార్. కాబట్టి పెళ్లి ఏ పద్ధతిలో చేస్తారనే చర్చ బాలీవుడ్‌లో సాగింది. ఈ విషయం గురించి హేమమాలిని చెబుతూ -సౌత్ ఇండియన్ స్టయిల్‌లో పెళ్లి చేయనున్నాం. గుడిలో పెళ్లి చేయడానికి నిర్ణయించుకున్నాం. ఇషా కంచీవరం చీర కట్టుకుంటుంది. మేమందరం కూడా కంచీవరం చీరలనే ఎంపిక చేసుకున్నాం.గుడిలో పెళ్లి కాబట్టి దగ్గర బంధువులను, స్నేహితులను మాత్రమే ఆహ్వానించాం అన్నారు. ముంబయ్‌లోని ఓ ఐదు నక్షత్రాల హోటల్‌లో రిసెప్షన్ ఏర్పాటు చేశారు. దీని గురించి హేమమాలిని చెబుతూ - ఆర్టిస్టులుగా, రాజకీయ నాయకులుగా మాకు రెండు జీవితాలు ఉన్నాయి. కాబట్టి సినీ, రాజకీయ రంగ ప్రముఖులను రిసెప్షన్‌కి ఆహ్వానించాం. అతిథులందరికీ అసౌకర్యం కలగకుండా ఉండేలా ఏర్పాట్లు చేస్తున్నాం అన్నారు.