Posted: 06/20/2012 04:14 PM IST

 ఇప్పటిదాకా వీవీఎస్ లక్ష్మణ్ ఆడటమే చూశాం.  ఇకమీదట  వీవీఎస్  లక్ష్మణ్ క్రికెట్ క్లబ్  ఆడనుంది.  అయితే  ఆ జట్టు  ఆడేది  హైదరాబాద్ క్రికెట్  సంఘం (హెచ్ సీఏ) లీగ్స్ లోనో.. ఆంధ్రా క్రికెట్ సంఘం ( ఏసీఏ) నిర్వహించే  టోర్నీల్లోనో  కాదు. క్రికెట్ కు పుట్టినిల్లైన ఇంగ్లాండ్ లో  యార్క్ షైర్ లోని బ్రాడ్ ఫోర్డ్ లో ఆడనుంది. బ్రాడ్ ఫోర్డ్  మూచ్యువల్ సండే స్కూల్  క్రికెట్ లీగ్  (బీఎంఎస్ఎస్ సీ ఎల్) లో  తలపడుతున్న జట్టుకు  వీవీఎస్  లక్ష్మణ్  క్రికెట్ క్లబ్  అని  నామకరణం  చేశారట.  బ్రాడ్ ఫోర్డ్ కు  చెందిన  వ్యాపారవేత్త 41 ఏళ్ళ మనీష్ పటేల్  తమ జట్టుకు  లక్ష్మణ్  పేరు పెట్టాడు. 

ఈ విషయంపై  లక్ష్మణ్ ను మనీష్  సంప్రదించినట్లు తెలుస్తుంది.  అయితే లక్ష్మణ్ కూడా ఒకే  చెప్పటంతో  చకచకా  పనులు జరిగిపోయాని  మనీష్ అంటున్నారు.  బీఎంఎస్ఎస్ పీఎల్ కు  యార్క్ షైర్ లో  చాలా పేరుంది. 117  ఏళ్ళ చరిత్ర ఈ లీగ్  సొంతం.  ఈ లీగ్ లోని  జట్లు  నాలుగు గ్రూపులుగా  ఆడుతుండగా .. వీవీఎస్ లక్ష్మణ్  సీసీ గ్రూప్-బిలో  ఉంది. వీవీఎస్   జట్టు..  సెమీఫైనల్  బెర్తుకు  ఒక విజయం దూరంలో  ఉంది.  క్లబ్ కు  నా పేరు పెట్టాలని  అనుకుంటున్నట్లు  చెప్పగానే  కొంచెం  వింతగా  అనిపించింది.  ఐతే  చాలా ఆనందంగా  గొప్పగా  ఉందని  లక్ష్మణ్  అంటున్నారు.   అయితే వెంటనే సరే అని చెప్పటం జరిగిందని  లక్ష్మణ్ చెబుతున్నాడు.  1995  , 1996 లో సీనియర్  బ్రాడ్ ఫోర్డ్  క్రికెట్  లీగ్ లో  పుడ్ సీ  కాంగ్స్  తరపును లక్ష్మన్  ఆడాడు.