Posted: 06/15/2012 04:41 PM IST

మెగా స్టార్ తనయుడు పెళ్లికి  దేశంలోని  అన్ని రాష్ట్రాలనుండి ..ప్రముఖులు, అభిమానులు, పెద్ద సంఖ్యలో రావటం జరిగింది.   బాలీవుడ్, కోలీవుడ్, శాండిల్ వుడ్ , నుంచి ప్రముఖ హీరోలు, హీరోయిన్లు చెర్రి పెళ్లి రావటం జరిగింది.  ఇక టాలీవుడ్ మొత్తం చెర్రి పెళ్లిలో  సందడి చేసింది. కానీ జరిగిన రామ్ చరణ్ వివాహ వేడుకలలో  పవన్ కళ్యాణ్ భార్య రేణూ దేశాయ్ కనిపించకపోవడంతో.. చాలా మంది టాలీవుడ్  నటులు ఆలోచనలో పడినట్లు తెలుస్తుంది. పవన్‌కళ్యాణ్ భార్య రేణూదేశాయ్ ఈ పెళ్లి వేడుకలో ఎక్కడా కనిపించకపోవడం చర్చనీయాంశమైంది. తన బావగారు చిరంజీవి కుమారుడు పెళ్లికి రాకపోవటం అందిరనీ ఆశ్చర్యంలో ముంచేసింది. ఆమె సిటిలో లేరా..లేక ఏదన్నా ఆర్జెంట్ పని ఉండి రాలేదా,లేక మరేదన్నా వ్యక్తి గత కారణాలతో రాలేకపోయారా అని చాలా మంది చర్చించుకోవటం మొదలైంది.

ప్రముఖ సినీ నటుడు, రాజ్యసభ సభ్యుడు కొణిదెల చిరంజీవి కుమారుడు హీరో రాంచరణ్ తేజ, ప్రముఖ వ్యాపారవేత్త అపోలో ప్రతాప్‌రెడ్డి మనుమరాలు కామినేని ఉపాసనల పెళ్లి గురువారం ఉదయం హైదరాబాద్ శివారు ప్రాంతమైన మొయినాబాద్‌లోని ఫామ్‌హౌస్‌ లో ఘనంగా జరిగింది. ఈ వివాహానికి సినీ ప్రముఖులు బిగ్‌బీ అమితాబ్ బచ్చన్, సూపర్‌స్టార్ రజనీకాంత్, డి.రామానాయుడు, కె.రాఘవేంద్రరావు, మోహన్‌బాబు దంపతులు వచ్చారు. సాయంత్రం చెర్రి రిసెప్షన్ ఘనంగా జరిగింది. రిసెస్షన్‌కు స్పీకర్ నాదెండ్ల మనోహర్, ప్రభుత్వ ప్రధాన కార్యదర్శి పంకజ్ ద్వివేదీ, పీసీసీ చీఫ్ బొత్స సత్యనారాయణ దంపతులు, పలువురు మంత్రులు, ఎమ్మెల్యేలు, సినీ నటులు నాగార్జున దంపతులు, మహేష్‌బాబు దంపతులు, ప్రభాస్, పూరి జగన్నాథ్ దంపతులు, జయప్రద, బాలకృష్ణ భార్య వసుంధర , తమన్నా, కాజల్, టబు, సూర్య,  ప్రభుదేవా తదితరులు హాజరయ్యారు.